AmosDie weytzſagungIſe ding zeÿgt mir derherre got. ſihe. der macher der heüſchreckē indem aufgang d̓ gruͦnenden des ſpaͤtten regens. vnd ſiheder ſpaͤt nach dem ſcherer d̓ heerdVnnd es ward geton. do er hettvollendet zuͦeſſen das krautt dererd. Do ſprach ich. O herre gottich bit. biß genaͤdig. Wer wirt erkücken jacob. wan̄ er iſt ein kleÿner. d̓ herr hat ſich erbarmet überdiſes. Der herre ſprach. es wirdtnit. Diſe ding zeyget mir der herre got. Vnd ſeht der herr vorderte daz vrteÿl zuͦ dem feüer vnd esverwuͤſtet manig abgründ vndes aſß den teÿl damit. Vnd ich ſprach. O herre got. ich bit. ruͦwe.Wer wirt erkücken jacob. wanner iſt kleÿn. Der herre hat ſich erbarmet über das. Aber auch daswirt nit. ſprach der herre got. Diſe ding zeÿget mir der herre got.Vnd ſehet. der herr ſtuͦnd auff einer klaÿbten maur. vnd hett einkell des maures in ſeiner hande.Vnd d̓ herr ſprach zuͦ mir. Amoswas ſiheſt du. Vnnd ich ſprach.Ein kell des maurers. Vnd er ſprach zuͦ mir Sih. ich ſecz dein kellin die mitte meines volcks jſrahel. Ich zuͦlege nitt fürbaß einzuͦfuͤren über es. die hohen ding desabgots werden zerknyſchet. Vn̄die heÿligkeÿt jſrahel werdē verwuͤſtet. vnd ich ſtee auff über dzbawße ſeroboam in dem waffen.Vnd amaſias der brieſter bethelſendet zuͦ jeroboam dem künig jrahel. ſagend. amos hat geſteytēwid̓ dich in mit des hauß iſrahelDas land mag nit erleÿden alleſem wort Wan̄ diſe ding ſprichtamos. Ieroboam ſtirbet in demwaffen. vn̄ iſrahel geet gefangenvon ſeinem land. Vnd amaſiasſprache zuͦ amos. Der du ſiheſt.gee. fleühe in das landt juda. vn̄yßſe do das brot. vn̄ weÿſſag dovnnd nit lege zuͦ fürbaße. das duweÿſſageeſt in bethel. wann ſÿ iſtein heÿligkeit des künigs. vn̄ iſtein hauß des reÿchs. Vnd amosantwurt. vnd ſprach zuͦ amaſiā.Ich bÿn nit ein weÿſſag. vnd bÿnit ein ſun eines weÿſſagen. Aberich bÿn ein ſchweÿger. ich bin einaußreüter d̓ wilden feÿgenbaumVnd der herre name mich do ichnachfolget der heerde. vnd d̓ herre ſprach zuͦ mir. Gee vnd weÿſſag zuͦ meinem volck iſrahel. Vn̄nun hoͤr das wort des herrē. Duſpricheſt zuͦ mir. du wirdeſt nittweÿſſagen über das bauß iſrahelvnd wirſt nitt tropffen über dashauß des abgotes. Darumb diſeding ſpricht der herre gott. Deinhaußfraw wirt vnkeüſchen in d̓ſtat. vnd dein ſün. vnd dein toͤchter werden fallen in den waffen.vnd dem landt wirt gemeſſē miteinem ſtricklein. vnd du wirdeſtſterben vermeÿliget in d̓ erde. vn̄ſrahel geet gefangen von ſeinēlandt.viii CapitelDasWie der prophet die plag der zehen geſchlaͤchtt vorhyn verkündet vmb die ſünd der geÿtigkeÿtVn̄ wie ſÿ zweÿerley plag darumb lÿtten.
