Seite
des propheten ccxxxviii Iſe ding zeÿget mir der herre got. Vn̄ ſehet ein hock der oͤpffelbawme. Vnd er ſprach zuͦ mir. Amos was ſiheſt du. vnd ich ſp rach. Ein hocken der oͤpffelbaum Vnd der herr ſprach zuͦ mir. Daz end iſt kōmen über mein volcke jſrahel. Ich zuͦleg int fürbaß. das ich es durchgee Vn̄ die engel des tempels werden grÿßgramen an dem tag ſpricht der herr got. Vil werden ſterben. vnd die ſchweÿ­gung wirdt hingeleget an einer yegklichen ſtat. Hoͤret das. die jr zerknyſchet den armen. vnd ma­cht manglen die durftigen d̓ erde ſagend. So der ſchnitt vergeett. vnd wir verkauffen die loͤne vn̄ den ſabbath. vn̄ thuͦn auff das ge traÿd das wirt mindern die maß vnd meren den ſickel. vn̄ zuͦlegen die trÿeglichen wag. das wir be­ſiczen die dürftigen in dem ſilber. vnd die armen vmb das geſchuͤ­he. vnd verkauffen die ſprewer des getraÿdes. Der herre ſchwuͦt bey der hohfart jacob. ich wirt nit vergeſſen aller jrer werck biß an daz end. Wirt den̄ hierüber nit be weget die erd. vnd wirt klagen aller jr einwoner. Vnnd ſteÿget auff als ein ÿegklicher fluß. vnd wirt außgeworffen. vn̄ zerfleüſt als der fluß egipti. Vnd es wirt an dem tag ſpricht der herre. dÿe ſunn geet vnder czuͦ mittemtage. vnd ich wirt machen das die er­de anfahen vinſter zuͦ werden in dem tag des liechts. vn̄ ich bekere eüer meßſtag in weÿnen. vn̄ al­les eüer geſang in klag. Vnd ich wil einfuͤren den ſack auf dē ruck eüer iegkliches. vnd auff ein ieg klichs haubt die kalheÿt. Vn̄ ich ſecz ſÿ als daz weÿnen des einge bornē. Vn̄ jr junſte ding als einē bittern tag. Seht die tag kōmen ſpricht der herre. vn̄ ich ſend auß den hunger in das landt. nitt den hunger des brots. noch den durſt des waſſers. aber zehoͤrē dz wor te des herren. Vnd ſÿ werden be­weget von dem meer. biÿ zuͦ dem moͤre. vnnd ſÿ werden vmbgeen zuͦſuͦchen das wort des herrē. vō mitternacht biß zuͦ dem aufgang vnd finden ſein nit. An dem tage gebreſten die ſchoͤnen junckfraw en vnd die jüngling in dem dur ſte. die do ſchwoͤren beÿ der miß­ſetat ſamarie. vnd ſprechē. Dan dein got lebt. vnd der weg berſa bee lebt. vnd ſÿ fallen. vnd ſteen nit auff füranhin. Das ix Capitel Wie der prophet den zweÿen ge­ſchlaͤchten jr plag vorhin weÿſ­ſaget. Vnd wÿe ſÿ darnach von got getroͤſtet ſolten werden. Ch ſahe den herren ſte en auff dem altar. Vnd er ſprach. Schlahe den Do angel. vnd die beÿſtuͤ­del werden beweger. Wann dye geÿtigkeÿt iſt in dem haubt aller vnd ich erſchlah jren letſtten mit dem waffen. die fluht wirt jn nit Sÿ werden fliehē. vnd d̓ do fleü het. der wirt nit behalten auß jn. Ob ſÿ abſteÿgen biß zuͦ der helle iuein hand wirt ſÿ heraußfüren .ll. ij.