Seite
des propheeten ccxlii nit wer ein man habend den geÿ­ſte. vnd billicher redete die luge. Ich wird dir trieffen in dē weÿn vnd in die trunckenheÿt. vnd es wirt auff den do wirt getropffet diſes volck. In ſamlūg wird ich ſamlen jacob gar. ich wird zuͦſa­men fuͤren die überbeleÿbunge jſ­rahel. Ich wird jn ſeczen mitein­ander. als die heerde in dē ſchaff­ſtal. als daz vihe in der mitte der ſtaͤll. Sÿ werden beweget von d̓ menig der leüt. Wan̄ den wirr er aufſteÿgen vnd wirt offenwarē den weg vor jn. E. wirdt teÿlen vn̄ ſÿ werden geen durch die por ten. vnd werden außgeen durch ſÿ. Vnd jr künig wirdt geen vor jn. vnd der herr in jrem haubt. Das iii Capitel Wie dē volck gedroet würd. vm̄ die ſünd der regentē vn̄ oͤberſten. Vnd ich ſprach hoͤrt jr fürſten jacob. vn̄ jr fuͤr er des haußes jſrahe. Gehoͤrer es nitzuͦ eüch das jr ſoͤllet wiſſē dz gericht. die jr habt in haß das guͦt. vnd habt lieb das boͤß. die jr gewaltigkli­che nēmet jr fel. von oben jn. vnd jr fleÿſch. von oben jre baÿn. Die do haben geeſſen das fleÿſch mei­nes volckes. vnd jr fel von oben geſchundē. vn̄ jre baÿn haben zer brochen. vn̄ zerſchnitten als in dē tigel. vnd als das fleÿſch in dem mittel des hafens Den werden ſÿ ruͤffen zuͦ dem herrē. vnd er wirt ſÿ nit erhoͤren. vn̄ er wirt verber gen ſein antlücz vor jn. in d̓ zeÿt. als ſÿ ſchalckhaftigklich habē ge ton jren erfindūgen. Diſe din­ge ſpricht der herre über die weiſ ſagen. die do verfuͤren mein vol­cke. die do beÿſſen mit jren zenen. vnd bredigen den frid Vn̄ iſt das iemant nit wirt ettwas geben in jren mund. ſÿ heÿligē über jn dē ſtreÿt. Darumb die nacht wirdt eüch für das geſicht. vnd die vin ſternuß wirt eüch für die warſa gung. Vn̄ die ſun wirt vnder ge­en über die weÿſſagen. vnd wirt verfinſteret über ſÿ der tag Vnd werden beſchaͤmet die do ſehē die geſicht. vnd werden beſchaͤmt die warſager. Vn̄ werden all bedeck­en jr antlücze. wen̄ die antwurt gottes iſt nicht. Doch fürwar ich bÿn erfüllet mit der ſterck des gei ſtes des herren. mit dem gericht. vnd mitt der krafft. das ich ver­künde jacob ſein laſter. vnd iſra­hel ſein ſünd. Hoͤret diß. jr fürſt. en des hauß jacob. vnd jr richter des hauß jſrahel. die jr verachtet das gericht. vnd verkeret alle re chte dinge. Die jr bawet ſÿon in den ſündē. vnd jheruſalem in der boßheÿt. Ir fürſten vrteÿlten in den gaben. vnd jr brieſter lereten in dem lone. Vn̄ jr weÿſſagen ha ben gewarſaget in dem gelt. vnd auff dem herren haben ſÿ geruͦet. ſprechend. Iſt nit der herr mitten vnder vns. Nitt werden kōmen boͤße dinge auff vns. Darumb. vmb eüeren willen wirt geack­eret ſÿon. als ein acker. vnd jhe­ruſalem wirt als ein hauffen der ſteÿn. vnnd der berg des tempels in die hoͤhe der weld.