Seite
zacharie Die weylzſagung werden aufheben. werdē zerriſſen mit dem val. vnd werden zuͦſamē geleſen wider ſÿ alle reÿch der er den. In dem tag ſpricht der herre der heer. Wird ich ſchlahē ein ieg klich pferd in der erſchreckūg. vn̄ ſeinen auffſteÿger in vnſÿnnÿg­keyt. Vn̄ auff das hauß juda wir de ich aufthuͦn meine augen. vnd ein ÿegklich pferd d̓ voͤlcker wir de ich ſchlahen mit blintheÿt Vn̄ die herczogen juda werden ſpre­chen in jrem herczen. vnd die wo ner jheruſalē werden mir geſter­cket in dem herren der heere jrem got. In dem tag wirdt ich ſeczen die herczogen juda als einen o­fen des feüwers in den hoͤlczern. vnd als ein fackel des feüeres in dem heü. vnnd werden freſſen zuͦ der rechten. vnnd der lincken alle voͤlcker in dem vmbgang. Vnnd jheruſalem wirt anderweyd ein gewonet in ſeiner ſtat jheruſalē Vnd der herr wirt machen behal­ten die gezeldt jndaials in dē an­fang. das do nit groͤßliche werde glorieren das hauß dauid. vn̄ die glorj der wonende in jheruſalem wider judam. In dem tag wirdt der herr beſchirmē die woner jhe ruſalem. Vnnd der wirdt auße in der do verſeren wirt in dem ta­ge als dauid. vnd das hawß da­uid als daz hauß gottes. vnd als der engel des herren in ſeinem an geſicht. Vnd es wirdt in dem ta­ge. ich wird ſuͦchen zuͦerknÿſchen alle voͤlcker. die do kōmen wider heruſalem. Vnnd ich wird auß­gieſſen über das hauß dauid. vn̄ über dÿe woner Iheruſalem den geÿſt d̓ genaden vnd d̓ gebet Vn̄ ÿ werde ſehen zuͦ mir. den ſy ha­ben geſtochē. vn̄ werdē jn klagē mit klag als den eingebornen. vn̄ werden ſchmerczen haben über jn. als man pfliget laÿd zuͦhaben in dem tod des erſtgeſtorben. Indē tag wirtgroß ein klag in jheruſa lem. als die klag zuͦ eoremmon. in dē feld magedon. Vn̄ wirt kla gen die erd die geſinde. vn̄ die ge ſind ſunderliche. Die geſinde des haußs dauid ſunderlich. vnd jre weÿber ſunderlich. Die geſid des haußs nathan ſunderlich. vn̄ jre weÿber ſunderliche. Die geſinde des haußs leui ſund̓lich. vnd jre weÿber ſunderlich. Vnd die geſin de ſemei ſunderlich. vnd jre weÿ­ber ſunderlich. Alle andere gefind die geſind. vnd gefinde ſunderli­che. vnd jre weÿber ſunderlich. xiii Capitel Das Wie die juden durch die tauff zuͦ dem gelauben ſolten bekeret wer den. vn̄ verlaſſen die abgoͤttereÿ Vnnd von der manigfaltigkeyt der gelauben. N dem tage wirdt ein offenwarer brun̄e dem hauß dauid. vnd den in wonern jheruſalem. in die abwaſchung des ſünders. vn̄ der monedt ſüchtigen frawē. Vn̄ es wirdt in dem tag. ſprichet der herr der heer. Ich wil zerſtreüen die namen der abgoͤtter von der erde. vnnd jr werdet nit gedacht ürbaße. Vnnd die falchen weÿſ­ſagen. vnd den vnreÿnen geÿſte