Seite
des propheten ccxlvii wird ich abnēmen von der erde. Vnd es wirdt ſo ÿemant wirt weÿſſagē fürbaß. ſo werdē jm ſa gē ſein vater vn̄ muͦter die ī habē geboren. Du wirſt nit leben. wan̄ du haſt geſaget die lüge in dē nā men des herren. Vnd es werden jn ſtechen ſein vater vn̄ ſein mu­ter ſein geberer. ſo er wirt weÿſ­ſagen. Vnd es wirdt an dem tag dÿe weyſſagen werden beſchaͤmt ein yegklicher in ſeinem geſicht. ſo er wirt weyſſagen. vn̄ werden nit bedecket mit einem ſackman­tel das ſÿ liegen. Aber er wirt ſa geen. ich bÿn nit ein weyſſag. Ich bin ein mēſch ein ackermā. wan̄ adam iſt mein ebenbild von mei ner jugent. vnd jn wirt geſaget. Was ſind diſe plag in dem mit­tel deiner hende. Vnd er wirt ſa­geen. Mit diſen bÿn ich geſchlagē in dem hauß der. die mich liebhet­ten. Du ſchwert. wird erkücket über meinen hirten. uber den mir anhangenden man ſpricht d̓ herr der heer. Schlahe den hirten. vn̄ die ſchaff werden zerſtreüet. Vn̄ ich wird keren mein hand zuͦ den kleÿnen kinden. vnd ſÿ werden in aller erde. ſpricht d̓ herr. weÿ teÿl werden zerſtreüet in jr. vnd werden abnemen. vnd das drÿt teÿl wirt gelaſſen in jr. Vnd ich wird fuͤren das drÿtteÿle durch das feüer. vnd brenn ſÿ als das ſilber wirt gebrennet. vnd bewer ſÿ als das gold wirt bewert. Er wirt anruͤffen meinen namē. vn̄ ich wirt jn erhoͤren. Vnd ich wir de ſagen du biſt mein volck. vnnd er wirt ſagen der herre mein got Das xiiii Capitel Vō der leſten veruolgūg des an­ticri ſts. vnd von den geſchichten die ſich in ſeiner veruolgung be­geben werden. Ihe die tag kommen de ſpricht der herre. vnnd dein reüb werden getei let in deinē mittel. Vn̄ ich wird ſamlen alle voͤlcker zuͦ jheruſalem in einē ſtreÿt. vn̄ die ſtat wirdet gewunnen. vnd das auß wirt verwuͤſt. vn̄ die weÿ­ber werder genotzoget. Vnd das halbteÿl der ſtatt wirdt außgeen in die gefengknuß. vn̄ das ander teÿl des volckes wirdt nit hinge­nōmen auß d̓ ſtat. Der herr wirt außgeen vnd wirt ſtreyten wid̓ die voͤlcker. als er hat geſtrÿtten in dem tag des ſtreÿts. Vnd ſein fuͤß werden ſteen in dem tag auff dem berg der oͤlbawme. der do iſt gegen jheruſalem. zuͦ dem aufgā­ge. Vnd der berg der oͤlbaum wir det geteylet von ſeinem mitteln teÿl zuͦ dem aufgang. vnd zuͦ dem vndergang gar ein groſſer bruch Es wirt geteÿlet das mittel des bergs zuͦ mitternacht. vn̄ ſein mit tel zuͦ dem mittag. Vnnd jr werdt fliehē zuͦ dem tal jrer berge. wen̄ das tal der berge wirt zuͦgefuͤget biß zuͦ dem naͤchſten. Vnd jr wer det fliehē als jr habt geflohē vō dē antlücz der bewegūg der erd in den tagen oſÿe des küniges juda Vnnd der herre mein gott wird kommen. vnd alle heÿligen mit jm. Vn̄ es wirt in dē tag. dz nit