Transkription / Biblia, dt. [578

Buͦch Das ander getten jr aufſeczung. vnnd alſo be gerten ſÿ duich alle dinge. jn geleich zewerden. die ſÿ hetten gehabt zuͦ feindē vnd toͤdtern. wan̄ boͤßlich thuͦn wider die goͤtlichē geſecz beleybet nicht vngerochen vnd das wirdt leütern die nach uolgent zeyt. Aber als das ſtreit ten durch fünff jare in thiro volbracht warde. vnd der künig gegenwürtig was. do ſendet der boͤ ſe jaſon von jheruſalem ſündig man. die do truͦgen dreühundert pfunt ſilbers zuͦ einem opfer her culis. Aber diſe. die ſÿ getragen hetten begerten das die pfunt nit wurden außgeben in die opffer. wann es waͤr nicht not. aber das man ſÿ brauchte in ander zerung aber ſÿ warn von jm. der ſÿe het geſendet. geopfert in eim opffer herculis. Aber durch die gegenwürtigen wurden ſÿ gegeben in den baw der ſchiff dreyer ruͦder. Do aber appollonius. der ſun ne ſchei ward geſant in egiptū. vm̄ des künigs ptolomei philometo tis edelleüt willen. vnnd anthiochus hett bekant das diſe wercke wurden jm empfrembdet. vō geſchefften des reyches. er gabe rat ſeinē eygen nützen. vnd gien ge von dannen. vnnd kame gen ſoppen. vnnd darnach gen jheru ſalem. Vnnd er warde auch empfangen groͤßlichen von jaſone. vnnd auch von der ſtatt. mit den liechten der fackeln. vnnd mit loben eingienge er. vnnd von dannen zuͦkeret er auch ein heere in phenicem. Vnnd nach der zeytte dreyer jare ſendet auch jaſon me nelaon den bruͤder des obgeſchriben ſÿmonis. der do truͦg gelt dē künig. vnnd das er ſolt antwurt bringen von den noͤttigen geſchef ten. Vnd er warde auch dem künig faſt gelobet. do er het gegroͤſtet das antlütz ſeines gewaltes das er an ſich ſelber züge die hoͤchſten prieſterſchaffte. wann er machet vnderthan Iaſon dreühundert pfundt ſilbers. Vnnd er name auch von dem künig das gebott. vnnd kam. yedoch nichtz der prieſterſchaffte wirdiges habende. ſunder er truͦg die gemuͤte eines grauſamen wuͤtrichs. vnd einen zoren nahendt geleich eins willden thiers. Vnnd beſunder ja ſon der do het gefangen ſeinen ey gen bruͦder. der ſelb warde betrogen vnd ward flüchtig vn̄ warde außgetriben m das land amaniten. Aber menelaus behielte dz ürſtenthumb. aber er thet nicht bezalunge dem künig des geltes das er het verheyſſen. do ſoſtratus das gelt von jm außnoͤtiget der do was ein brobſt in der hoͤhe. Wann zuͦ dem ſelben gehoͤret die vorderung der zoͤl. von der ſa che wegen wurden ſÿe beyd geſo dert zuͦ dem künig. Vnnd menelaus ward abgeſeczt vō der prieſterſchaͤfft. vnnd ſein bruͦdet liſÿ. machus kame nach jme an das ampt der prieſterſchafft. Aber ſo ſtratus warde geſeczet zuͦ einem haubtman den von cippern. Vn̄ do diſe dinge alſo geſchahen. da geburte ſich. das die tharſenſes. vnnd die mollaten bewegteneynen auflauff. darumb das ſÿwa