Seite
Das ander buͦch wann werdē vndertaͤnig den ſün dern. vnd wider ſein edel geburt geuͤbet werden mitt vnwirdigen rechten. Do er aber von des ey­ens wegen het jm nit gegeben ei nen gewiſſen ſchlag der wunden. vnd do die ſchar zwiſchen der tü re eintrungen. do lieffer kuͤnlich zuͦ der maur. vnd ſchupfft ſich ſel bes manlichen in die ſchare. alſo gaben ſÿ eylend ſtatt ſeinē vall. do kame er durch das mittel des halſs. Vnnd do er noch etmet. do ſtuͤnd er auff angezündt in dē ge muͤt. vn̄ da ſein bluͦt hinfloß mit groſſem fluſs vnnd gar ſchwere was verwundet die ſchar mit dē lauff er durchgieng. vnnd ſtuͦnde auff einen hohen felſen. vnd do er nun on bluͦte was worden. do be­griff er ſein gedaͤrm mitt beyden henden. vn̄ warff es auf die ſcha re vnd ruͤffet an den herſcher des lebens vnd geyſtes. das er jm di ſe aber wider gaͤbe. vnd alſo des lebens ſtarb er. xv Capitel Das Wie nichanor wider judam ma­chabeum ſtritt. Vnnd wie nicha nor von juda überwunden. vnnd darzuͦ erſchlagen ward. Ber als Nichanor jn­nen warde das judas was in den ſtetten ſa­marie. do gedachte er einen ſtreytt zehaben mit ſturm. Aber die juden. die jm nachuol­geten durch die nottürfftigkeytt ſprachen. thuͦ nicht als freyßlich vnnd babariſch. ſunder gib ere dē tag der heyligkeyt. vnd ere den. der alle ding ſihet. vnd der vnſaͤ­lig fraget. ob ein maͤchtiger indē hymmel waͤr. der do het gebottē zegeben den tag des ſabbaths. vn̄ ÿ antwurten. es iſt ein herre le­bendig gewaltig in dem hymmel der do hat geheyſſen zuͦbegeendē ſibenden tag. Er ſprach. Vnd ich bin gewaltig auff der erden. ich beüt zenemen die wappen vnnd zuͦuolbringen dye geſcheffte des künigs. Vedoch behielt er nicht das er volbracht den rate. Vnnd Nichanor auffgerichtet in hoher hochfart gedacht zuͦbeſtellen ey­nen gemeynen ſig von juda. aber Machabeus getrawet alle zeytt mitt aller hoffnung jm zuͦkünfft ge hiff von got. vnnd vermanet die ſeinen. das ſÿ nitt forchtē die zuͦkunfft der geboren heyden. ſun der das ſÿ hetten in dem gemuͤte die hilff. die jm von dem hȳmel waͤren geſchehen. vnd dz ſÿ nun hofften in zuͦkunfftige überwin­dung von dem allmechtigē. Vnd von dē geſecze vnd propheten re det er zuͦ jn. auch vermant er ſÿe der ſtreit. die ſÿ vormals hetten getan. vnd beſtetiget ſÿ merer be reyt. Vnnd alſo ward auffgericht jr gemuͤte. auch weyſet er jn die valſcheyt der heydē. vnd jrer ſch­wuͤre übertrettung. vnd einē yeg klichen der ſelben wappet er nitt mitt der bewarunge des ſchiltes. vn̄ des ſpers. ſunder mit dē aller beſten wortē vermanungen. vnd leget jn auß. wie er hette gehabet einen traum wirdig des gelaub­ens. durch den er ſÿ all erfreüet. es wz aber dz geſicht alſo er ſahe