Seite
ſancti mathei cccvii Wurcket buͦß wan̄ das reÿch der hȳmel nahent wan̄ diſer iſt. von dem geſchribē iſt durch ÿſaiā den weÿſagen. ſagend. Ein ſtÿm̄ des ruͤffenden in der wuͤſt bereÿtet den weg des herrē. machet recht ſein ſteyg. Aber der ſelb johannes het ein gewand von dē har der kaͤm­meltÿer. vn̄ ein fellin gürtel vmb ſem lende. vn̄ ſein eſſen warē heü­ſchricken. vnd wildes hoͤnig. Do gienge auß zuͦ jm jheruſalem. vn̄ alles judea. vnd alle gegent vmb den jordan. vnd wurdē getauffet von jm in dem jordan. bekennend jr ſünde. Vnd do erſahe manig der pharſſeer. vnd der ſaduceÿer. kōmend zuͦ ſeinē tauffe. er ſprach zuͦ jn. Ir geſchlaͤcht der vipperna­tern. wer zeÿgt eüch zuͦfliehē vor dem künftigen zoren. darūb thuͦtt wÿrdig frucht der buͦß. Vn̄ nicht woͤllet ſagē in eüch. wir haben ei nen vater abraham. wan̄ ich ſag eüch. das got iſt gewaltig vō di­ſen ſteÿnen zuͦerwecken ſün Abra hams. wan̄ daz peÿhel iſt ÿeczūd geleget an die wurczel d̓ bawm. Ein ÿegklich baum. der nit brin­get ein guͦte frücht. wirt abgehau en. vnd geleget an das feüer. vn̄ fürwar ich tauff eüch in dem waſ ſer in die buͦß. Aber der nach mir iſt künftig. der iſt ſtercker den̄ ich des geſchuͤh ich by nit wirdig zuͦ tragen. der wirt eüch tauffen in dē heÿligen geÿſt. vnd in dem feüer Des wÿntſchauffen iſt in ſeiner handt. vnd er wirdt durchreÿni­gen ſeinen tennen. vnd wirrſam­len den weÿcze in ſeinen kaſten. aber die ſpreüer wirt er verbren nen in dem vnerloͤſchlichen feüer Do kam jheſus vō galilea in den jordan zuͦ Iohanem. das er würd getauffet von jm. Aber jo­hannes der weret jm. ſagend. Ich ſoll werden getaufft von dir. vn̄ du kōmeſt czuͦ mir. Iheſus ant­wurtet. vnd ſprach zuͦ jm. laß nū wan̄ alſo gezymt vns zuͦerfüllen alle gerechtigkeÿt. Do ließer jn. do jheſus ward getaufft zuͦhand ſteÿg er auff von dem waſſer. vn̄ ſeht die hȳmel wurden jm aufge ton. vnd er ſahe den geyſt gottes nider ſteÿgend als ein taub. vnd kōmend auff jn. Vn̄ ſehet ein ſtÿ me vō dem hȳmel. ſagend. Diſes iſt mein lieber ſun in dem ich mir gefiel. Das iii i capitel Wie criſtus vō dem geyſte in die wuͤſte gefuͤret. vnd alda vō dem teüfel verſuͦcht ward. Vn̄ wie er­darnach in capharnaū kam. vnd fieng an zuͦlernen vn̄ zuͦbredigen die buͦß. Vnd wie er Petrum. an dream. jacobū vnd johannem be ruͤffet. vnd vil krancker geſundt machet. O ward jheſus ge­fuͤret von dem geyſt in die wuͤſte. daz er würd Ie verſuͦchet vō dē teüfel. vnnd do er het geuaſtet vierczig tag vnd vierczig naͤcht. darnach hnungeret jn. Vnd der verſuͦcher naͤhnet ſich. vnnd ſprache zuͦ jm. Biſt du der ſun gots. ſo ſprich dz diſe ſteyn werden brott. Er ant­wurtet vnd ſprach. Es iſt geſch­riben. der menſch lebt nicht allein ww. j.