ewangelium Das hab nye erkennet den menſchen. Vn̄ nach einer kleynē zeyt. gien­gen hinzuͦ die da ſtuͦndē vn̄ ſpra­chen zuͦ petro. Werlich vnnd du biſt auß jn. wān dein red machet dich offenbar Da begund er zebe zeugen vn̄ zuͦſchwerē das er nitt hett erkant den menſchē. vnd zuͦ­handt ſang der han. Vnd petrus gedacht des worts jheſu. das er het geſagt. ee dz der han ſingt zuͦ dreyen malē verlaugeſt du mein er gieng auß vnd weynet bitter­lichen. Das xxvii capitel Darjn̄ beſchreybet matheus für an den paſſion biß zuͦ ende. Nd da es morgē war­de. alle fürſten der prie ſter vnd die alten des volcks machten einen rat wider jheſum. das ſÿ jn ant­wurten todt. Vnd ſÿ fuͤrten jn gebundē vnd antwurten in pon­cio pylato richter Da judas ſa he der jn verriet das er was ver­dampt. er ward gefuͤrt mitt buͦß vn̄ widerbracht die dreyſſig ſilbe rin pfenning den fürſten der prie ſter vn̄ den alten ſagent. Ich hab geſündet. dan̄ ich hab dargebē dz gerecht bluͦt. vnd ſÿ ſprachē. Du geſiheſt es. Er warff die ſilberin pfenning in tempel. vn̄ ſchiede ſich. vnd gieng hin vnnd hienge ſich an einē ſtrick Vnd die fürſtē der prieſter namē die ſilberin pfē ning vnd ſprachen. Sy gezȳmen nit zelegen zuͦ ſchatz. wann es iſt der lon des bluͦts. vnd giengē ein in einē rat. vnd kauffte vmb ſÿ einen acker des hafners zuͦ ey­ner begrebnuß der bilgram. Dar umb diſer acker iſt geheyſſen ach eldemach. dz iſt der acker des bluͦ tes. biß an diſen heütigen tag da ward erfüllt das geſaget iſt dur ch jheremiam den weyſſagen. ſa gend. Vnd ſÿ namē die dreyſſig ſilberin pfenning. vnd haben ver­golten den lon den ſÿ gekaufft ha ben von den ſünen iſrahel. vn̄ ga ben ſÿ an dem acker des hafners als mir hat geſeczt der herr. Vnd heſus ſtuͦnd vor richter. vnd der richter fragt jn. ſagend. Biſt du ein künig der judē. Iheſus ſp rach zuͦ jm. du ſagſt es Vnnd da er ward verklaget von fürſtē der prieſter. vnd von alten. er antwurtet jn nitt. Da ſprach py­latus zuͦ jm. Hoͤrſtu nit wie ma­nig gezeucknuß diſe ſagen wider dich. vnnd er antwurt jm nit zuͦ eim wort. alſo daz ſich der richter hart verwundert. Aber der rich­ter het ein gewonheyt durch den hochzeytlichē tag zelaſſen de vol cke einē gefangen woͤlchē ſÿ wol ten vn̄ er het zuͦ zeit eine merck lichē gefangen der hieß barrabas vnnd als ſÿ waren geſamelt. da ſprach pylatus. Woͤlchen woͤllet r den ich eüch laß. Barraban od̓ jheſum. da heyßt criſtus. wān er weſt das ſÿe jn hetten geant­wurt von neyds wegen. Vnd da er ſaß an dem gericht. ſein weyb ſant zuͦ jm ſagend. Nicht ſey dir vnnd dem gerechten. wann heüt hab ich vil erlitten durch geſicht vmb jn. Aber die fürſten der prie ſter vnnd die alten vnderweyſtē