Seite
ſancti gathei cccxxxliii V. Ber an dē abent des Wir ſabbathts d̓ da erſchin an dē erſten tag des ſa baths. da kam maria magdalena. vnd die andern ma­ria zeſehen das grab. Vnd ſehet ein groß erdbidmūg ward. wān der engel des herren ſtig ab vom hȳmel Er genahet ſich vn̄ welcz et ab den ſteyn. vnnd ſaß auff jn vnd ſein angeſicht wz als d̓ blitz vnd ſein gewand als der ſchnee. Aber die huͤter erſchrackē vor ſey ner forcht. vn̄ wurdē als die tod­ten. vn̄ der engel antwurt. vnd ſp rach zuͦ den weyben. Nicht woͤlte eüch fürchtē. wān ich weyß das jr ſuͦchet jheſum. d̓ da iſt gekreü cziget. Er iſt nit hie. wann er iſt erſtanden. als er ſprach. Kumbt vn̄ ſehet die ſtatt. da der herr wz gelegt. Geet auß ſchier. vn̄ ſaget ſeinen jungern vn̄ petro. das er iſt erſtande. vn̄ ſehet. er geet vor eüch in galilea. da werdt jr jn ſe hen. ſehet ich hab eüch es vorge­ſaget. Sy giengen auß balde von dē grab mit forcht vnd mitt groſſer freüd. vnd lieffen das zuͦ uerkünden ſeinen jungern Vnnd ſehet jheſus begegent jn. ſagend Seyt gegruͤſſet. vnd ſÿ nahentē ſich vnd hieltē ſein fuͤß vnd anbe ten jn. Da ſprach jeſus zuͦ jn. Nit woͤlt eüch fürchte Geet vnd ver kündet meinē bruͤdern. das ſÿ ge­en in galileam. do werden ſÿ mi­ch ſehen. Da ſÿ waren hingegā­geen. ſehet etlich von den hüttern kamen in die ſtat vnd verkünde ten den fürſten d̓ prieſter alle din ge die da waren geſchehen. Sye ſammelten ſich mit den alten vn̄ namen rat. vnd gaben vil geltes den huͤttern. ſagendt. Saget das ſein junger ſind kōmen zuͦ nach­tes. vnnd haben jn verſtolen. da wir ſchlieffen Vnd ob diſes wirt gehoͤrt von dem richter. wir vn­derweyſen jn. vnnd machen eüch ſicher. Sy namen das gelt. vnd thetten als ſÿ waren gelert. Vnd diſes wort iſt eroͤffent bey den ju den biß an diſen heütigen tage. Aber die eylff jungern giengē in galileam an den berge. dahin ſÿ jheſus het geordent. ſÿ ſahen jn. vnnd anbetten jn. aber ettlich von jn zweyfelten. Iheſus gena­het ſich. vnnd redt mit jn ſagend Mir iſt gegeben aller gewalt in hȳmel. vnd auff der erde Darūb geet auß. vnd lernt alle. vn̄ tauf­fent ſÿ in dem namen des vaters vnnd des ſuns. vnd des heyligen geyſts. leit ſÿ zuͦbehuͤten alle din ge die ich eüch hab gebotten. Vnd ſehet. ich bin mitt eüch alle tage biß zuͦ der volendung der welt. Hie hat ein ende Matheus. Vnnd hebet an die vorred über den ewangeliſten Marcum. Arcus d̓ auſ erwoͤlt ewā geliſt gotes ein ſun Pe­tri des zwelf botten in dem tauff. vnnd auch ein jū­ger in der goͤtlichē rede. Er hatt volfuͤret die prieſterſchafft in iſ­zz. ij.