Transkription / Biblia, dt. [783

ſancti Iohannis cccccvi der juden. Sy ſchryen anderweyde all ſagendt nit diſen. aber bar raban. wann barrabas was ein ſchacher. Das xix Capitel Abegriff pylatus jheſum vnd geyſſelt jn. vn̄ die ritter flachten ein ron von denen. vnd ſaczten die auff ſein haubt. vnnd vmbgaben jn mit purpurem gewand. vnnd kamen czuͦ jm. vnd ſprachen. Biß gegruͤſſet du künig der juden. vnd gaben jm back enſchleg. Vnd pylatus gieng aber auß. vnnd ſprach zuͦ jn. Sehet ich fuͤer jn auß zuͦ eüch. das jr erkennet das ich keyn ſach vinde an jm. Vnnd jheſus gienge auß. er truͦg ein doͤrnin kron. vnd ein purpur gewand. vnnd ſprach zuͦ jn pylatus. Sehet der menſche. Vnd da jn hetten geſehen die bi ſchoff. vnnd die diener. da ſchryen ſÿ ſagendt. Rreützig jn. kreü tzig jn. Pylatus ſprach zuͦ jn. Ne met jr jn. vn̄ kreücziget jn. wān ich vinde keyn ſach an jm. Sye antwurten jm. Wir haben ein ge ſecz vnnd nach dem geſecz ſoll er ſterben wann er hat ſich gemach et das er ſey der ſun gots. Vnnd da pylatus het gehoͤrt diß wort. er forcht ſich mer. vnd gieng aber in das rechthauß. vnnd ſprach zuͦ jheſum. von wann biſtu. Ihe ſus gab jm nicht antwurt Pylatus ſprach zuͦ jn. Redeſtu nit mit mir. weyßt du nit das ich hab dē gewalt dich zuͦkreüczigen. vnnd hab den gewalt dich zelaſſen. Ielus antwurt. Du hetteſt keynen gewalt wider mich. waͤre er dir nicht gegeben von oben. Darum̄ der mich dir hat geantwurt. der hat mer ſünde Vnnd von deßhin pylatus ſuͦchet Iheſum zelaſſen. Aber die juden ſchryen vnd ſprachen. Ob du diſen laſſeſt du biſt nitt ein freünd des keyſers. Ein yegklicher der ſich mache eynen kunig. der widerſpricht dem keyſer. Darumb da pylatus het gehoͤret diſe wort. er fuͤret jheſum herauß. vnnd ſaß an das gerich te an der ſtat die do iſt geheyſſen litoſtratos. aber hebreyſch gabatha. vnd es was der karfreytag der oſteren. als vmb die ſechſten ſtund. vnd er ſprach zuͦ den judē. Sehet eüer kunig. Die ſchrÿen aber vnnd ſprachen. Heb jn auff heb jn auff. vnd kreüczig jn. Py latus ſprach zuͦ jn. Ich wil kreützigen eüern künig. Die biſchoff antwurtē. wir haben keynen kü nig. nur einen keyſer. Darumb da antwurt er jn jheſum das er wurde gekreüczigt. Vnnd ſÿ na men jheſum vnnd fuͤrten jn auß. vnnd er truͦg jm ſelb das kreucz vnd gieng auß an die ſtat die daiſt gehyeſſē caluarie aber hebrey ſch golgatha. Da kreüczigten ſÿ jn vnd zwen ander mit jm zuͦ yet weder ſeytten einen. vnd jheſum in der mitte. Aber pylatus ſchrib die übergeſchrifft. vnnd ſaczt ſÿ auff das kreücz. Vnd es was ge ſchriben. Ieſus von nazareth em künig der juden. Vnd vil d̓ juden laſen die übergeſchrifft. wan die ſtat da jheſus was gekreüczigt I. ij.