Seite
Die epiſtel die vnkeüſcheyt. vnnd aber mer Als jr geſamelt ſeyt mit meynē geyſt ſol man die menſchen gebē dem ſathan In der andern epiſtel lobt er ſÿ. vn̄ ſpricht mit verma­nung. daz ſÿ mer vnd mer ſoͤllen zuͦnemen. Galathe werdē entſch uldigt das ſÿ ſind on alle laſter. on dz alleyn. dz ſÿ haben gelaubt den liſtigen falſche apoſteln Die epheſij. werden nicht geſtrafft in eynichen ſachen. ſunder ſÿ ſeind wirdig vil lobs. wann ſÿ behal­ten haben apoſtoliſchen gelauben Die phylippenſes werden noch hoͤher gelobt darumb daz ſÿ nit wolten hoͤren die valſchen apo­ſteln. Die von theſſalonicenſes ruͤfft paulus auß in zweyen epi­ſteln. das ſÿe alles lobes werdt ſind. nicht alleyn darumb daz ſÿ den gelauben der warheyt vnbri chlich gehalten haben. ſunder au­ch das ſÿ in der durchaͤchtunge der burger ſind beſtendig erfun­den wordan. Aber die coloſenſes waren ſoͤlich. wiewol ſÿ nit wa ren leiplich erſehē von ſant paul ſen. ſo find ſÿ doch des lobs wir­dig bey jm gehabt geweſen. das er jn alſo zuͦgeſchriben hatt. wie. wol ich leyplich vō eüch bin. no­ch dann ſo bin ich mit dem geyſt freüent bey eüch. vnnd ſiehe eü­er ordnung. was ſoll ich ſprechē von den hebreyſchē. ſo man von jn ſpricht. das ſÿ ſind nachfolger der von theſſalomcenſes. die ma nigfeltiges lobs werdt ſind. als geſchryben ſteet. vnnd jr bruͤder ſind worden nachuolger der kir­chen gottes. die da ſind in judea. wan̄ auch jr habt gelitten von eü ern mitburgern. das ſÿ haben er­litten von den juden. wan̄ die din ge gedencket er bey den hebreyſch en vnnd ſpricht. jr habt mitleydē gehabt mit den gefangen. auch ha bet jr froͤlichen auffgenomen den raub eüerer guͤtter. wann ir ha­bet bekant das jr habt ein beſſer vnd ein beleybent guͦt. So volgt hernach die ſun­derlich vorred in die epiſtel. die ſant Pauls an die roͤmer geſchri ben hat. oͤmer ſeind. dye. do auß den judē vn̄ heÿdē gelau beten. vnnd mitt eynem hochfertigen kryege ſich wider einander ſeczten wan̄ die juden ſprachen. Wir ſind daz vol cke gots die er von dem anfang hat liebgehabt. vnd erneret Wir ſind beſchniten. vnnd ſind auß dē geſchlaͤcht abrahams. von dē hei igen ſtam find wir abgeſtigen. vnd got iſt zuͦm erſten erkant in dē jüdiſchen land. Wir find erloͤ­ſet von egipto mitt zeychen vnd mit den krefften gottes. das moͤr mit truckne fuͦß haben wir durch gangen. da die ſchweriſten flüſs vnſer veide bedeckten. vns hatt geregnet das hymmelbrotte der herr in der wuͤſte. vnnd als ſen­en ſünen hatt er vnns die ſpeyſe gereychet. Vns gieng er vor tag