Seite
zuͦ den. Romern ccccvi noch einander geſchoͤpf vns mag geſcheÿden vō der liebe gotes. die do iſt in Iheſu criſto vnſerm her­ren Das xi capitel Ech ſahe die warheÿt in criſto jheſu Ich leüg nit. mein gewiſſen gibt mir gezeügknuße in dē heÿligen geÿſte. Das. das mir iſt ein groſſe truͤbſal. vnd emſſig ſch merczen meinem herczē. wan ich begert ſelber zuͦſein ein fluͦch von Criſto vmb meÿn bruͤder. die do find mein freünd. nach dem fley­ſch. die do ſind jſraheliſch. der auß erwoͤlung iſt der ſun gots. vnnd die glori. vnnd die gezeügknuße. vnd die tragung der ee. vnnd der dienſt. vn̄ die verheÿſſung der vaͤ ter ſind auß den Criſtus iſt gebo ren. nach dem fleÿſch. der do iſt ein geſegenter got über alle dinge in den welten amen. Aber nit dar­umb. das das wort gots gefallē ſeÿ. wan̄ die do ſind auß jſrahel. die ſind nicht all jſraheliſch. noch die do ſind der ſamen abrahams. die ſind nit all ſün Aber in ÿſaac wirdt dir genennet der ſam. das iſt nit die do ſind ſün des fleÿſchs diſe ſind die ſüne gotes. Aber die do ſind ſüne der verheÿſſung die werden geſchaͤczet in den ſamen. Wan̄ diſes iſt das wort der ver­heÿſſung. Nach diſer zeÿt ſo kū­me ich. vnd ſare wirdt ein ſune. Vnd nit allein ſÿ. ſunder auch re becta hett zwen ſün von einer be­ſchlaffnūg ÿſaacs vnſers vaters vnd do ſÿ dēnocht nit waren ge­boren. oder hetten geton ettwas guͦts. oder übels. das der fürſacz belÿb nach der erwoͤllung gotes. nit auß den wercken. aber auß dē hayſchenden. iſt geſaget zuͦ jr. daz der merer wirt dienen dem myu­dern als geſchriben iſt. Ich het lie be jacob. aber ich het in haß eſau­Darūb was ſagen wir. Iſt den die vngeleÿcheÿt beÿ gott. Das ſeÿ nit. wan̄ er ſpricht zuͦ moÿſe. Ich erbarm̄ mich. des. ich mich er barm̄e. vnd wird geben die barm herczigkeÿt. des ich mich erbarm̄ Darumb. nit des woͤllenden. no­ch des lauffendē. ſunder es iſt des erbarmenden gots. Wann die ge­ſchrifft ſpricht zuͦ pharaon. wann in daſſelb hab ich dich erkücket. das ich zeÿge mein krafft in dir. vnd das mein name werde ver­kündet in aller erde. Darumb er erbarmet ſich wem er wil. vnnd erhertet wen er wil. Darumb du ſpricheſt zuͦ mir. was wirdt no­ch geſuͦcher. wer widerſteet ſeinē willen O menſch wer biſt du. der du autwurteſt gott. ſpricht denn das jrdiſch vaß zuͦ dem der es hat gemachet. warumb haſt du mich gemacht alſo. Oder hat d̓ haffner nit den gewalt. auß einem knollē kots zumachen eyn vaße in die ere. vnd das ander zuͦ dem laſter hatt nun got der do wil erzeÿgen den zoren. vnd erkennet zuͦmachē ſein maͤchtigkeÿt. gelidten in vil geduld die vaß des zorēs. geſchi­cket czuͦ dem tode. das er erzeÿge te die reychtumb ſeÿner glori in dÿe vaße der barmherczÿgkeÿte Vnnd dÿe er beteÿtett hat czuͦ der .Z. iiij.