Seite
zuͦ den Corinthiern ccccxix arbeÿt benuͤgklicher. denn diſe all Aber nitt ich. Sunder die genad gottes mit mir. Wan̄ ob ich oder ſÿ. alſo haben geprediget. vnd jr es alſo habt gelaubt. Wan̄ ob Criſtus wirdet geprediget. das er ſeÿ erſtandē von den todten. in woͤllicherweÿß ſprechen ettlichē vnder eüch. das die aufferſteeun­ge der todten nicht ſeÿ. Wann ob die aufferſteeung der todten nitt iſt. So iſt auch Criſtus nicht er­ſtanden. Iſt aber criſtus nicht er­ſtanden. So iſt vmb ſunſt vnſer predig. vnd eüer gelaub iſt eÿtel wir werden auch erfunden falſch gezeügen gotes. daz wir haben ge ſaget falſche gezeügknuß wider got. das er Criſtum erkücket ha be. den er nit hat erkücket. Iſt das die todten nicht erſteen. Ob dÿe todten nit erſteen. So iſt auch cri ſtus nit erſtanden. Iſt den Cri­ſtus nit erſtanden. So iſt eüer ge laub eÿtel. Wann jr ſeÿt noch in eüeren ſünden. vnd darumb. Die do ſturben in criſto die ſind ver. dorben. Ob wir allein in diſem le ben hoffnung haben in criſto. wir ſind dürſtiger den alle menſche. Wann nun criſtus iſt erſtandē von den todten. zuͦ dem erſten den ſchlaffenden. Wan̄ der tod iſt dur ch den menſchen. Vnd die auffer­ſteeūg der todten durch den men­ſchen. Vnd als all menſchen ſter. ben in Adam. alſo werden ſÿ au­ch all lebendig in criſto. Ein ÿeg v klicher in ſeinem orden)Zuͦ dē er ſten Criſtus. darnach die. die do find criſti. die do gelauben an ſein zuͦkunfft. Darnach das ende. ſo er antwurt das reÿch got. vnnd dem vatter. So er außtÿlget allē fürſtentuͦmb. vnd gewalt vnnd krafft. Aber der muͦß regnirē. biß das er lege all ſein feÿnde vnder ſein fuͤſſe. Aber zuͦ dem leiſtē wirt der veyndtlich tode zerknÿſchet. wann alle ding hatt er vnder ge­worffen ſeinen fuͤſſen. So er aber ſpricht. alle ding ſind jm vnder ge eget. on zweyfel an den. der jme hatt vnder geworffen alle dÿnge. Wann ſo jm werden vnder gele­geet alle ding. So wirdt jm auch denn der ſun vnder geworffen. der jm hat alle ding vnder geworffen daz got ſeÿ alle ding in allen din geen. Anderſt. was werdē die thuͦn die do werden getauffet vmb die todten. Ob die todten gancz nitt erſteen. was werden ſÿ auch ge­tauffet vmb ſÿ. warumb verder­ben auch wir meÿner ÿegklichen ſtundt. Bruͤder ich ſtirbetaͤgliche vmb eüer glori. die ich hab in jhe ſu Criſto vnſerm herren. Ob ich hab geſtrÿtten nach dem menſche wider die thÿer. zuͦ epeſi. was iſt es mir nucz. Iſt das die todtē nit erſteen. wir ſoͤllen eſſen vnd trin­cken. morgen werden wir ſterben Nicht ſoͤllet jr verfuͤret werden. wann die boͤſen rede zerbrechen die guͦtten ſÿtten. Ir gerechten. wachet. vnd nicht woͤllet ſünden Wann auch ettlich haben die vn­wiſſenheyt gottes. Ich ſag eüch zuͦ eren. Aber ſpricht einer. Wye werden die todten erſteen. Oder mit woͤllicherleÿ leÿb werden ſÿ kommen. Du vnweÿſer. das du ſaͤeſt. Es wirdt nit lebendig. nur M. iiij.