Seite
zuͦ den Carinthiern ccccxxiii der do nit hat erkennet die ſünde. hat gott der vatter gemachet die ſünde. das wir werden die gerech tigkeyt gottes in jm. vi Das capitel Ber helffendt bÿtten vnd ermanen wir eüch das jr nitt nemet vmb ſunſt die genad gottes Wan̄ er ſpricht. in der angenūmē zeÿt hab ich dich erhoͤret. vnd in dem tag des heyls hab ich dir ge­holffen. Seht. nun iſt die aufnem lich zeÿt. Seht. nun ſind die tag des heÿls. Nÿemandt gebet ein be leÿdigung. das vnſer dienſt nicht werde geleſteret. Aber in allē din gen ſoͤllen wir vns erzeÿgen. als die dÿener gottes. In vil gedult in truͤbſalen. in nottürfften. in eng ſten. in ſchlegen. in kerckeren. In widerteÿlen. in arbeÿten. in wach en in vaſten. in keüſch. in wiſſen­heÿt. in langer volendūg. in ſenft tigkeyt. In dem heÿligen geyſte. in einer vngedichten lieb. In dem wort der warheyt. In der krafft gottes. Durch die waffen der ge rechtigkeÿt. zuͦ der gerechtē. vnd zuͦ der gelincken. Durch die glori vnd vnedelkeÿt. Durch übel ge­ruͤchte. vnd guͦt geruͤchte. Als die verfuͤrer. vnd warhafftē. Als vn erkan̄t. vnd erkan̄t. Als ſterbend Vnd ſeht wir leben. als gekeſtigt vnd nit getoͤdiget. Als traurige. aber zuͦ allen zeyten freüend. Als dürfftig. aber vil reÿchmachend. Als nit habend. vnd alle ding be­ſiczend. O jr von Corintho. vn̄ ſer mund iſt offen zuͦ eüch. Vnſer hercz iſt geweÿtert. Nicht ſeÿt ge engſtiget in vns. aber ſeÿt geeng ſtiget meüeren in wendigen ge­lidern. Wan̄ wir haben die ſelben widergeltung. Ich ſage eüch als den ſünen. werdet anch jr geweÿ­teret. Nicht woͤlt fuͤren das jo ch mitt den vngelaubigen. Oder was mitteÿlung iſt der gerechtig keÿt mit der boßheÿt. Oder was geſelſchaft iſt dem liecht zuͦ der fin ſternuß. Oder was gemeinſamū ge iſt Criſti zuͦ bellal. Oder was teÿls iſt dem gelaubigen mit dem vngelaubigen. Oder woͤlliche ge hellung iſt dem tempel gotes mit den abgoͤttern. Wann jr ſeÿdt der tempel gotes des lebendigen. als der herr ſpricht. wan̄ ich wil wo­nen in jn. vnd wandern in jn. vn̄ ich wird jr gott. vnnd ſÿ werden mir ein volck. Darumb geet auß von jrer mitte. vn̄ werdt geſcheÿ den. ſpricht der herr. Vnd nit woͤl let ruͤren das vnreÿ. vnd ich em­pfahe eüch. vnd ich wird eüch zuͦ einem vater. vnd jr werd mir zuͦ ünen. vnd zuͦ toͤchter. ſpricht der herr got der allmaͤchtig. Das vii Capitel Arumb aller lÿebſten wir haben diſe verheÿſ ſungen Wir ſoͤllen vns v reynigen. vō aller ver­meyligung des fleÿſchs. vnd des geÿſts. volbringt die heÿligkeÿt in der forcht gotes. Vahet vns wir haben nÿemandt beleÿdiget. wir haben nÿemandt zerſtoͤrett. wir betruͦgen keinen. Ich ſage es v. j.