Transkription / Biblia, dt. [861

zuͦ den Philippenſern ccccxxxv er gedacht daz er got geleich we re. aber er hat ſich ſelb vernichtet vn̄ nam an ſich das bild des kne chts. vnnd ward gemacht in die geleichnuß der menſchen vnd iſt funden in der wanderung als ein nenſch. er demuͤtiget ſich ſelber. ¶ Vnd iſt worden gehorſam got dem vater biß in dē tode. aber biß in den todt des kreüczes. Darūb got erhoͤhet jn. vnd gab jm einē namen. der da iſt über all namen jheſu criſti wurd geneyget alles kne. der hymliſchen. vnd der jrr diſchen. vnd der helliſchen. vnnd ein yegklichē zunge bakente das der herr jheſus criſtus iſt in der glori gots des vaters. Darum̄ mein allerliebſten. als jr zuͦ allē zeytē ſeyt gehorſam geweſen. nit alleyn in meiner gegenwurt. aber vil mer nun in meim abweſen mit forcht vnd mit zittern würck et eüer heyl. wan̄ gott iſt. der da würcket in eüch. vnd der willen vnd zuͦuolbringen vmb den guͦtē willē. aber alle ding tuͤt on murmelung vnd on zweyfelung. das jr ſeyt on klag vnd einfaͤltig ſün gots on ſtraff in der mitt des boͤ ſen geſchlaͤchtes vnd des verkerten. vnd er dē jr leücht als die lie chte in der welt behaltet dz wort des lebens zuͦ meiner glori an dē tag chriſti. wann ich lieff nit eytel. noch hab gearbeyt vmbſunſt Vnnd ob ich auch wurde geopfe ret über das opfer vnd über den dienſt eüers gelauben. ich freüe mich vnd mitfrolocke eüch allen wann des ſelben freüet auch eüch. vnnd frolocket auch mitt mit wann ich verſihe mich in dē herren jheſu thnnotheum ſchier zeſenden zuͦ eüch. daz auch ich ſeye guͦttes muͦtes erkennent die din ge die bey eüch ſind. wann ich ha be keynen als eynhellig der mitt reiner begerung ſey ſorgſam vm̄ eüch. wann all ſuͦchen ſÿ die din ge. die jr ſind. nicht die da ſind je ſu chriſti. Aber erkennet ſein bewerunge wann er hatt gedienet mit mir in dem ewangelium als der ſun dem vater. Darum̄ diſen verſihe ich mich ſchier zuͦ ſenden czuͦ eüch. das ich ſehe die dinge. die bey mir ſeind. wann ich verſihe auch mich jmm herren. das auch ich ſelb ſchier komme zuͦ eü ch. wann ich gedacht nottürfftig epa froditum den bruͦder. vnd au ch den bruͦder vnnd den mithelffer vnnd memen mitritter. Aber eüern apoſtel vnnd diener meyner notturfft ſchiere zeſenden czuͦ eüch. wan̄ er begert eüch all. vn̄ was traurig. Darum̄ das jr het gehoͤrt. das er kranck waͤr. wan̄ er iſt kranck geweſen biß zuͦ dem tod. aber got hat ſich ſein erbarm et. Aber nicht allein ſein ya auch mein. das ich nit het die traurig keyt über die traurigkeyt. Darumb eylent ſandte ich jn. ſo jr jn geſehet. das jr eüch aber freüet. vnd das ich ſey on traurigkeyt. Darumb empfahet jn mitt aller freüd jm̄ herczen. vnnd habet jn mitt eren. wann es genahet ſich biß an den todt vmb das wercke criſti zeantwurten ſein ſele. das er erfüllt das dz da gebreſte auß eüch vmb meinen geyſt.