Transkription / Biblia, dt. [879

zuͦ Thimochen ccccxliiii nit hat ſorg der ſeinen. vnd allermeyſt der haußgenoſſen. der hatt verlaugent den gelaubē. vnd iſt erger den der vngelaubig. Die witwe werd nit minder erwoͤlet den̄ von ſechtzig jaren. die da iſt geweſen ein weyb eins mannes habent die gezeucknuß in guͦtten wercken. ob ſÿ hatt erzogen ſün. ob ſÿ hat empfangen in die her berg. ob ſÿ hat gezwagen die fuͤß d̓ heylige. ob ſÿ hat gedienet dē. die da leyden truͤbſale. Ob ſÿ iſt nachgefolget eim ÿegklichē guͦtē wercke Aber ſcheühe die jungen witwē. wān ſo ſÿ find vnkeuſch ſÿ woͤllē ſich gemaͤheln in criſto. vnd haben die verdamnuß. wān ſÿ habē eytel gemacht die erſten tren Wān zuͦ gleicherweyß muͤß ſigklich lernet ſÿe vmbgeen die heüſer. nicht alleyn muͤſſigklich ſunder auch woͤrtlich. vn̄ hubſchlich redent dz nit gezympt. Daruma will ich. dz die jungen witwen gemaͤheln. geberen ſün. vnd ſeyen haußmuͤter. vnnd keyn vrſach geben dē widerteyl von wegen des verfluͦchte. Wann yetz und find etlich hinderſich gekert nach ſathanas. Ob yemand ein getreüe witwen hat. der diene jn das die kirch nit werd beſchwer te. das den die da find war wittwen. begnuͤge ¶ Die prieſter die da wol vor ſind. die werdē gehabet wirdig zwifaltiger ere. aller meyſt. die ſich arbeytē in dē wort vn̄ in der lere. wāndie geſchrifft ſpricht Nit verbind dē mund des treſchenden ochſſen Vnd wirdig iſt der würckent ſeins lons. Nit woͤlleſt empfahē die verſagung wider den prieſter. nur vnd̓ zwey en oder dreyen gezeügē. Die ſün der ſtraffe vor allē. das auch die andern haben vorcht. Ich bezeüg vor got. vnd vor iheſu criſto. vn̄ vor ſeinen erwoͤlten engeln. das du behuͤteſt diſe ding on vrteyl. Nichts thuͦ. das du dich neygeſt auf einen teyl. du ſolt keyne bal de auflegen die hende. Noch gemeynſam dich den frembdē ſünden. Behuͤtte dich ſelber keüſche. Nit woͤlleſt trincken waſſer. aber brauch ein wenig wenis vmb deinen magen. vnd vmb dein em ſig ſiechtumb. Die ſünde ettlicher leut ſind offenbar. fürgeent zuͦ dem vrteyl. vnd auch etlich nach uolgen. Auch zuͦgeleicherweyſe die guͦten werck ſind offenbar vn̄ die ſich anders haben. die mügen nit verborgen werden. Das vi Cu oͤllich knecht ſind vnd̓ dem joch. die ſüllen ſch E eczen jr herren wirdig aller eren. das der name des herren. vnnd lere nichtt werde geleſtert. wann die da haben getreü herren. die verſchmehen ſÿe nicht. wann ſÿ ſind bruͤder. aber mer ſüllen ſÿ jn dienen. darumb daz ſÿ gelaubig find vn̄ liebhaber. wann ſÿ ſind teylhafftig der guͦttet. diſe ding die lere. vnd ermane ſÿ. Aber ob etlicher anders leret vnnd nicht gehillet den geſunden reden vnſers herrē