Transkription / Biblia, dt. [881

zuͦ Thimaches ccccxlv was künfftig ſeye in den leczſten zeyten. vnd von ſeinē leydē. vnd ſchreybt jm von der ſtat Rom ¶ Die vorred hat ein end. Vn̄ hebt an die and̓ epiſtel zuͦ thimo otheū Vnd hat vier capitel. Das erſt Capitel Aulus eyn apoſtel jhe ſu criſti du rch den wil len gots na ch der verheiſſūg des lebens das da iſt in jheſu criſto thimotheo dem liebſten ſun. genad vnnd er baͤrmbde. vnd frid von gott vnſerm vater vnd von dem herren jheſu criſto. Ich ſag danck meynem got. dem ich diene von meinen eltern in reyner gewiſſen. dz ich hab dein gedenckung on vnd̓laß in meinen gebetten tag vnnd nacht vnnd begere dich zeſehen. Ich gedencke deiner zaͤher. dz ich werde erfüllt mit freüdē. nemende die gedechtnuß des gelauben. der in dir iſt. nicht gedichtet. vn̄ der zuͦ dem erſten wonet in loyde deiner anfrawen vnd eunice dey ner muͦter. wann ich bin gewiß. das er auch iſt in dir vmb die ſa che mane ich dich. das du erweckeſt die genad gotes. die in dir iſt. durch die auflegung meiner hende wann gott gab vns nicht den geyſt der vorcht. aber der tugent vnd der liebe. vnd der nuͦchterkeyt. ¶ Darumb nitt woͤlleſt verſchmehen die gezeücknuß vn̄ ſers herrē jheſu criſti. noch mich ſeinen gefangen. aber arbeyt mit dem ewangelio nach der kraffte gots. der vns hatt erloͤſet. vnnd vns geruͤffet mit ſeiner heyligen ruͤffunge. nicht nach vnſern wercken aber nach ſeim fürſacz. vnd der genad. die vns iſt gegeben in jheſu criſto vor den weltlichē zei ten. wan̄ nun iſt ſÿ eroͤffent durch die erleüchtung vnſers behalters jheſu criſti. der da hatt verwuͤſtet den todt. vnnd erleüchtet das leben. Vnnd die vnzerſtoͤrlicheyt durch das ewangelium. in dem ich bin geſeczet ein prediger. vnnd ein bot vnnd ein meyſter der heÿden vmb woͤlich ſach erleyde ich auch diſe dinge. aber ich wurde nicht geſchendet. wan̄ ich weyß wem ich gelaubet habe vnd bin gewiß. das er iſt gewal tig zuͦ behalten mein gebot an dē tag. Habe das bild der geſunden wort. die du vō mir gehoͤret haſt in dem gelauben. in der treü. vnd in der liebe in jheſu chriſto. Behuͤt das guͦt gebot durch den hey ligen geyſt. der da wonet in vns wann du weyſt das alle. die da find in aſÿa. ſind abgekeret von mir. von dem iſt phigelus vnnd hermogenes. Aber der herr gebe die erbaͤrmbd dē hauß oneſiphori. wann er hat mich offt erkücket vnd nichtt verſchmehet mein ketten. aber da er was kommen zuͦ rom. ſorgſamlich ſuͦcht er mich. vnnd fande mich. Der herr ge V. j.