Seite
Der zwerboten cccclxxvi mich gaͤhling vō dem hȳmel. Ich viel inder an die erde. vnd hoͤret ein ſtÿm̄ von hȳmel. ſagendt czuͦ mie. Saule. ſaule. Warumb dur­ch aͤchteſt du mich. Vnnd ich ant wurt. O herr wer biſt du Vnnd er ſprach czuͦ mir. Ich bin jheſus nazarenus. den du durchaͤchteſt. Vn̄ die mit mir waren. die ſahen das liecht. aber ſÿ hoͤrten mit dÿe ſtymme. des. der do mit mir redet. Vnd ich ſprach. O herr. waz thuͦ ich. Vnnd der herr ſprach zuͦ mir. Steeauff. vnd gee in damaſcum vnd do wirt dir geſaget vō allen dingen. das du muͦſt thuͦn. Vnd do ich nicht ſahe vor der klarheyt ſeines liechts. Ich warde gefuͤret mit den henden vō meinen mitge ſellen. vnd kauf in damaſcū. Vn̄ ein man. Ananias. der do het guͦ te gezeügknuß der ee. vō allen ju­den. die do wonen in damaſco. ka me zuͦ mir. er ſtuͦnd. vnd ſprach. ſaule. Bruͦder ſih mich an. Vnnd ich ſahe jn an zuͦ der ſelben ſtund. Vnd er ſprach zuͦ mir. Got vnſer vater hat dich vor geordent. das du erkenneſt ſeinē willen. das du geſeheſt den gerechten. vn̄ hoͤreſt die ſtÿm̄ anß ſeniem mund. wan̄ du wirſt ſein ſein gezeüg zuͦ allen menſchē. der ding. die du haſt ge­ſehen vnd gehoͤret. Vnd nū war umb ſaumeſt du dich. Steeauff. vnd wird getaufft. vnnd waſche ab dein ſünd. vnnd ruͤff an ſeinen namen. Vnnd es ward geton. do ich widerkeret in jheruſalem. Vn̄ bettet in dem tempel. das ich war de in dē ſchrecken des herczen. vnd ſahe jn. ſprechendt zuͦ mir. Eyle vnd gee ſchnelligkliche auß von jheruſalem. wann ſÿ werden em­pfahen dein gezeügknuß vō mit. Vnnd ich ſprach. O herr. ſÿ ſelb wiſſen das ich ſÿ wz beſchlieſſend in den kercker. vn̄ ſchlahend dur­ch die ſÿnagogen. die do gelaub­ten in dich. Vnd do das bluͦt ſte­phan deines gezeügē. ward ver­goſſen. ich ſtuͦnd auch do. vn̄ ver williget darein. vnd ich huͤtet der gewand. der. die jn ertoͤdtetē Vn̄ er ſprache zuͦ mir. Gee. wann ich ſend dich verr zuͦ den geſchlaͤchten Vnnd ſÿ hoͤreten jn biß zuͦ diſem wort. vnd huͦben auff jr ſtymm. ſagend. Nÿm̄ jn hÿn von der erde wann es iſt nit zÿm̄lich das er le­be. Vnd do ſÿ ſchrÿen. vnd wurf­fen hÿn jre gewand. vn̄ wurffen den ſtaub in den luffte. Der tribu­ner hieß ſÿ einfuͤren in die burge. vnd ſchlahen mitt geÿßlen. vnnd peÿnigen. das er wiſte vmb waz ſach ſÿ jm alſo zuͦſchrÿen. Vnd do ſÿ jn hetten gebunden mit rÿeme Paulus ſprach czuͦ dem centurio der jm zuͦſtuͦnd. Gezȳmet eüch ze geyßlen einen man einen roͤmer. vnd einen vnſchaͤdlichen. Do daz hoͤret der Centurio. er genaͤhnet ſich zuͦ dem tribun. Vn̄ verkündet jm. ſagend. Sih was du werdeſt thuͦn. Wann diſer man iſt ein roͤ miſcher burger. Vnnd der tribun genaͤhet ſich. vnd ſprach zuͦ jme. Sag mir biſt du ein roͤmer. vnd er ſprach. ja. Vnd der tribun ant­wurtet. Ich hab vil guͦtter dinge empfangen in diſer ſtatt. Vnnd paulus ſprach. Vnnd ich bÿn au­ch geboren in jr. Vnnd die jn ſol­.V. iiij.