Seite
Die würckung Der zwelfbotten von dem. xiiij. tag faſtent beley­bent vnd habent nichts empfan­geen. Darumb ich bitt eüch. das jr nemet die ſpeyß vmb eüer be­haltſam. wān eüer keym verdir bet ein har von ſeinē haubt. Vnd do er diſes het geſaget. er name das brot vnd ſaget got danck in dem angeſicht jr aller Vn̄ do ers het gebrochen. er fiengan zeeſſen Vnd ſÿ wurdē all getroͤſt. vnnd empfiengen das eſſen Vn̄ der ſelē vnſer aller jm̄ ſchiffe waren. ce. vnd. xxvij. Vnd ſÿwurdē geſatt mit der ſpeyß. vnnd wurffen den waÿcz in das moͤre. vnd ringer­ten dz ſchiff vnd do es tag ward ſÿ erkanten nit die erde. Aber ſÿ merckten ein port. die da het ein geſtatt zuͦ der ſÿ gedachtē. ob ſÿ moͤchtē außwerffen dz ſchiſſ. vn̄ do ſÿ hettē auffgehaben die anck er ſÿ legten es in das moͤre zege leicherweyſe gürten es auff die fuͤgung der geſchirr. Vnd huͦben auf einen kleinen ſegel nach dem blaſen des weters vnnd gedach ten zuͦ dem geſtadt. Vnd do wir waren eingeuallē in ein verderb lich ſtatt do zwey moͤre kamē zuͦ ſamen. Sy zerbrachen das ſchiff vnnd das vorderteyl des ſchiffes belib ſtet. vnd vnbeweglich. aber das hinderteil ward zerriſſen vō der ſterck des moͤres. Vnd es wz der rat der ritter. das ſÿ erſchluͦ­gen die gefangen. daz keyner em pfluhe. ſo er auß ſchwūme Aber der centurio wolt behalten Pau­lum. Vnnd weret das es nichtt geſchehe. Vnnd gebot den. die do moͤchten ſchwymmē. das ſÿ ſich zuͦ dem erſten lieſſen in das moͤre vnnd außzekō men zuͦ dem lande Aber die anderen truͦgen ſÿ auff den brettern. vnnd ettlich auf dē dingen. die da waren von dē ſch­iffe. Vnnd es ward gethan alſo. Das alle ſel entgiengen czuͦ dem onde. Das xxviii Ca Vnd do wir warn auß kommen. do erkanten wir. das die jnſel hieß Al militene Vnd auch die rembden erbuten vns nichtt ein wenig freüntſchaffte. wann ſÿe zündeten vns an ein feüer. vnnd widerbrachten vns alle. vmb dē regen. vnnd auch vmb die kelte die vnns anlage. Vnnd do pau­lus hett geſamelt ettwo vil der ſpen. vnd geleget auff das feüer do ein vipper fürgienge von der hycz. ſÿ kame jm an ſein hande. Darumb da die frembden hettē geſehen das thier hangen an ſey ner handt. ſÿ ſprachen zuͦ einan­der. fürwar d̓ menſch iſt ein man chlaͤchtiger. wie wol er iſt auß­kommen von dem moͤre die rach laſſet jn nicht leben. vnd er ſchluͦ­ge das thier in das feüer. vn̄ er lyde nit übels Aber ſÿ meyntē er wurde geſchwellen. vnd gechlin gen nyder fallen vnd ſterben Vn̄ ſÿ verſahen ſich lang. vnd ſahen das auch jm nichts übels getan warde. Sy kereten ſich auchczuͦ jm. Vnnd ſprachen. Er iſt gott. Aber in den ſtetten. waren eygē. eines fürſten der jnſeln mitt na­men publius. der empfienge vns