Seite
Die erſt Canonica ſehet. d̓ bauer des a ckers wartet der koſtlichen frucht der erd. tra gent dultigklich biß das er em­pfahe das fruͤ. vnd das ſpat. dar umb ſeyt auch jr gedultig. vnnd beſtettet eüer herczen. wann die zuͦkunfft des herrē genahet. Bruͤ der nit woͤlt ſeüffczen einer dē an dern. das jr nit werdet geurteylt Sehet. der vrteyler ſteet vor der thür. Bruͤder nemet ein ebenbild die propheten der arbeyt vn̄ der gedult. die do haben geredet in dē namen des herren. Sehet. wir ſagen ſÿ ſaͤlig. die do haben erlit­ten. Die leydung job habet jr ge hoͤret. vnd das end des herre ſa­het jr. wann der herre iſt barm. herczig vnnd ein erbarmer Vnd mein bruͤder. vor allē dingen nit woͤlt ſchweren. weder bey dē hȳ­mel. noch bey der erde. noch bey keinem andern eyde. aber eüer re de ſey. ja. ja. nein. nein. das jr nit vallet vnder das vrteyl. Iſt aber eüer eyner traurig. der bete mitt ſchlaͤchtem herczen vnnd pſallie re. Siechet ettlicher in eüch d̓ fuͤer ein die prieſter der kirchen. vnd ſÿ beten über jn. vnd ſalben̄ jn mit demoͤl. in dem namen des herren. Vnd das gebet des glau­bens wirt heÿlſam machen den ſiechen. vnnd der herr ringert jn vnd ob er iſt in den ſündē ſÿ wer den jm vergeben. Darūb beich tet nander eüer ſünde. vnnd be­tet füreinander das jr werdet be halten. Wann das emſſig gebet des gerechtē iſt vil nütz Helyas was ein man leydlich vnns ge­leych. vnd er betet mit gebet. das es nit regnet auff die erde. vnnd es regnet nit dreü jar vnd ſechß monedt. vnnd anderweyde betet er. vnd der hymmel gabe den re­gen. vnnd die erde gab jr frucht Mein bruͤder. ob ettlicher jrret auß eüch von der warheyt. vnd ob jn yemant bekeret. er ſol wiſ­ſen. das der do thuͦt bekeren den ſünder von dem jrrſale ſeins we­ges. der machet behalten ſein ſele von dem todt. vnnd bedecket die menig der ſünden) Hie hatt ein ende die geyſt. lich oder canonica epiſtel ſant ja cobs. Vnd hebet an die vorrede in die erſten canonicā oder geyſt lich epiſtel ſant Peters. Vmon Pe trus der ſu­ne johānis des landes galilee von d̓ ſtat beth­ſayda. Ein bruͦder An­dree des zwoͤlffbotten. die in der zeyt. ſo ſich hat angehabē die kir che. gienge von der heydniſcheit zuͦ der judiſcheyt. Sylitten vmb den gelaube. vnd warn zerſtreü­et. diſe beſtetet petrus ſchreibent jn vō rom in der zeyt claudij des keyſers mit den worten. Hie hat ein ende die vorre. de. Vnd hebt an die erſt ſant Pe ters canonica epiſtel. auch in. v. capitel geteylet. Darjn̄ er zuͦ erſt got danckſaget. darumb das got barmherczigklich durch dz leydē