Seite
Die erſt candnica epiſtola Ch alter ſē de den gruß der erwoͤlte frawen vn̄ jren ſünen. die ich liebe habe in der warheytte. vnd nicht alleyn ich. Sunder au­ch alle die da erkanten die war­heyt. vmb die warheit. die da be leybet in eüch. vnd wirt mit eü­ch ewigklich. Genad ſey mit eü­ch. vnd die erbaͤrmbde. vnnd der frid von got dem vater. vnd vō jheſu chriſto dem ſun des vaters in der liebe. vnd in der warheytt Ich bin groͤßlich erfreüet dz ich hab funden von deinen ſünen das ſÿ wandern in der warheyt. Als wir haben empfangen das gebot von dem vater. Vnnd nun frawe ich bitt dich nicht als ſchreybent dir ein neües gebot aber daz wir haben gehabet von anfange. das wir liebhaben aneinander. Vnnd das iſt die liebe. das wir wande­ren nach ſeinen geboten. Wan̄ dz iſt das gebot. als jr habt gehoͤret von anfang. dz jr wandert in jm wann vil verfuͤrer ſind außgan­geen in die welt die do nicht ver­ſehen jheſum criſtum das er ſey kommen jm̄ fleyſch. Der iſt ein verſuͤrer. vnnd entekriſt. verſe­het eüch ſelber. das jr nit verlie­ſent die ding die jr habt gewür­cket. aber das jr empfahet dē vol len lone. Ein yegklicher. der da abweychet vnnd nitt beleybet in der lere criſti. der hatt nicht gott liebe. Der da beleybet in der lere. der da hatt den ſun vnnd den va­ter. Ob ettlicher kommet zuͦ eü­ch. vnnd bringet nit diſe lere. nit woͤllet jn empfahen in das hauß noch ſprecht zuͦ jm got gruͤß dich der gemeynſament ſeinen boͤſen werckē. Sehet. ich hab eüch vor geſaget. das jr icht werdt geſchē det an dem tag vnnd vnſers her ren. Ich hette eüch vil zeſchrey­ben. aber ich wolt nicht durch dē brieff. vnnd auch durch die din­ten. wann ich verſihe mich künf tig czuͦ eüch. vnnd czuͦ reden von mund zuͦ mund. das eüer freüde ſey vol. Dich gruͤſſen die ſün dey ner außerwoͤlten ſchweſter. Die genade ſey mit dir Amen. Ein ende hat die ander cano nica epiſtola ſancti Iohānis des ewangeliſten. Vnnd hebt an die vorred über die dritten epiſtel Ayumerhoͤ het er von wegen ſein er guͤtikeyt vnnd ermā net jn. dz er beleybe in d̓ ſelben guͤti­keyt. dyotrepem von der vnguͤ­tigkeyt vnd hochfart wegē ſtraf fet er. aber demetrio gibt er guͦte gezeüchnuß mit allen bruͤdern. Die vorred hat ein ende. vn̄ hebet an die dritt epiſtel Iohan­nis.