Seite
Das buch Der heymlichen ſunſt. Der do überwindet. der be­ſiczet diſe ding. vnd ich wird jm ein got. vnd er wirdt mir ein ſun Aber den forchtſamen vnd den vn gelaubigen. vnnd den verbannen vnd den manſchlaͤchtigen. vn̄ den gemeÿnen vnkeüſchern. vnd den zauberern. vn̄ den dienern der abt goͤtter. vnd allen lügnern. Ir teÿl wirdt jn dem brÿnnenden ſee. mit feüer vnnd mit ſchwebel. das do iſt der ander tod. vnnd einer von den ſiben engeln. die do hetten die ſiben ſchenckuaße vol der letſten plage kame. vnnd er redet mitt mir. ſagend. Kumm. vnd ich wil dir zeÿgen die braͦut die eefraw­en des lambs. vnd er erhuͦb mich in dem geÿſt auff einē groſſen vn hohen berge. vnnd zeÿget mir die heyligen ſtat jheruſalem abſtey gend von hȳmel. habend die klar heÿt gotes. vnd jr liecht was ge leÿch dem edeln geſteÿn. als dem ſteÿn jaſpidi. als der criſtall. vnd het ein groſſe maur. vnnd hohe. die het zwoͤlff thore. vnnd in den thoren zwoͤlff engel. vnd namen eingeſchriben. das ſind die namē der zwoͤlff geſchlaͤcht der ſün jſra­hel. Dreü thor von dem aufgang Dreü thor von mitternacht. dreü thor von mittemtag. vnnd dreü thor von dem nÿdergang. Vnnd mauren der ſtatt habendt zwoͤlff grundtueſten. vnnd in jn zwoͤlff namen der zwoͤlffbotten. vnd des lambs. Vnd der do redet mit mir der het ein guldin rorin maß. daz er maͤß die ſtat. vnd jr thor. vnd jr mauren. Vnd die ſtat was ge ſeczet in vier teÿl. vnd jr lenge iſt als vil als jr weyte. Vnd er maß die ſtat von dem guldin ror dur­ch zwoͤlfftauſent roßleüff. Ir len­ge vnnd jr weÿte. vnnd jr hoͤhe find geleÿch. vnd er maß jr mau ren hundert vn̄ vierunduierczig elenbogen. die maß des menſchen die do iſt des engels. vnd das ge­beü jrer maure auß dem ſteÿn jaſ pis. aber die ſtat ſelb ein reÿn gol de geleÿch dem reÿnen glaß. vnd die grundtueſtē der mauren der ſtat gezÿeret mit allem edlen ge­ſteÿn Die erſt gruntueſte jaſpis die ander ſaphirus. die drÿt cal­cedonius. die vÿerde Schmarag­dus. die fünft ſardonix. die ſechſt ſardius. die ſibend criſolitus. die acht berillus. die neündt topaſi­us. die zehendt criſopraſſus. dÿe eÿlefft jacinctus. die zwoͤlft ame tiſtus. Vn̄ zwoͤlff tor. ſind zwoͤlf perlin durch alle. vnd ÿegkliche tor waren auß ÿegklichen berlin. Vnnd die gaſſen der ſtat reÿnes goldes als ein vaſt liecht glaße. Vnd keinen tempel ſahe ich in jr wann der herr almaͤchtig got. iſt der tempel vnd das lamb. vn̄ die ſtat darff nit der ſunnen noch des mons. das ſÿ leüchten in jr. wan̄ die klarheÿt gotes erleüchtet ſÿ. vnd jr luceren iſt das lamb. Vnd die voͤlcker werden wanderen in jrem liechte. Vnnd die künig der erde werden bringen jr glori. vnd die ere in ſÿ. Vnd jre tor werden nicht beſchloſſen durch die nacht wann die nacht wirdet da nicht Vnd ſÿ werden herzuͦ tragen die glori. vnnd die ere der voͤlcker in ſÿe. Noch ichts vermeÿlÿgetes