Das buchfleyß wirdt überleſen vnſer gedichtvnnd geſchrift ſo wirt man ſie baßvernemen. denn die andern wen̄ ſienit ſein eingegoſſen von dem erſtenvaſs in das ander. noch vō dem andern in das drit. ſunder ſie ſein alsbald vō der preſſen eingegoſſen indas vaß. Vnd darumb haben ſie behalten iren geſchmack vn̄ farwe.Ein ende hat dieepiſtel oder vorrede vnd vahet andas buͦch prouerbiorum. das iſt dasbuͦch der ſprüch.Das erſt capitel.Wie dißs buͦch die vnweyſen. weyſevn̄ die weyſen noch weyſer machet.Vnnd das man der weyßheit nachuolgen ſoll.Ie geleichnuſ ſalomonis des ſuns Dauiddes künigs iſrahel.zuͦ wiſſen die weyßheit vn̄ die zucht vn̄ zuͦuernemē diewort der fürſichtigkeit vnd zuͦ entpfahen die vnderweyſung der lere.das recht vnd das vrteyle vnnd diegeleicheit. das den kleinen werde gegeben die kündigkeit oder liſtigkeitvn̄ den iungen wiſſenheit vnd verſtentnußs. Hoͤret der weyß. ſo wirter weyſer vnd der vernemend beſitzet die berichtung oder regierung.Er betracht in dem gemüdt die geleichnuß vn̄ ir außlegung die wortder weyſen vnd ir bedeutunge. Dievorcht des herren iſt ein anfang derweyßheyt. Die toren verſchmehendie weyßheit vn̄ die lere O mein ſunhoͤr die wort deines vaters vnd laßnit das geſetz deiner muͦter. das diegenad werd gegeben deinem haubtvnnd ein halßband deinē halß. Omein ſun ob dich die ſunder laden.oder dir ſüß eingeben. nit volg in.Ob ſie ſprechen kum mit vns. wirwoͤllen heymlich neyd tragen dembluͦt wir woͤllen verbergē die ſtrickwider die vnſchuldigen vmb ſunſtwir verwüſten in lebendig als diehell vn̄ gantz als den abſteigenden.in den ſee. Wir woͤllen finden allekoͤſtliche hab. vnd woͤllen erfüllenvnſer heuſer mit raube. du lege dasloſe mit vns. ein beygürtel ſey vnſer aller. o mein ſun nit gee mit in.Reer deinen fuͦß von iren ſteygen.wann ir füß ſein ſchnell zuͦ lauffenzuͦ dem übel vn̄ eylen dz ſie vergieſſen das bluͦt. Wann in vmb ſunſtwirt geworffen dz netz für die augēder gefiderten. Vnd ſie tragen haßwider ir bluͦt vnd gedencken trugknuß wider ir ſel. Alſo ſein die wegeins yegklichen geytigen. die do zucken die ſele der beſitzendē Die weißheyt prediget außwendig. vn̄ gybtir ſtym in den gaſſen. Vnd fürbringet ir wort vnd rüft in dem haubtder oren in den türn der tor der ſtatſagend. O ir kleinen wie lang habtir lieb die kintheyt. Die vnweyſenhaſſen die wiſſenheyt vnd die torenbegerē die ding die in ſchedlich ſeinKert euch zuͦ meiner ſtraffe. Sehtich will euch ſagen mein geyſt. vndzeigē euch meine wort. ich ruft euchvnnd ir wolten nit. ich ſtrackt außmein hand vnnd keiner was der ſieanſehe. Ir habt verſchmecht allenmeinen rat. vnnd verſaumt meinſtraff. Darumb wird ich lachen in
