Seite
Die Veiſſagung Iſaie den oren. Das aug ſah nit gott on dich. die ding die du haſt bereyt den die dein harreten. Du begenteſt dē frewendē vnd dem. der do tet die ge rechtigkeit. ſie gedencken dein in dei nen wegen Sih du biſt erzünt. vn̄ wir haben geſundet wir warn zeal len zeyten in in. vnd wir werden be halten Vnd all ſein wir wordē als ein vnreiner. vn̄ als vnſer gerechti­keit als ein tuͦch eines krancken wey bes. Vn̄ all vielen wir als dz laub vnd vnſer miſſetat namen vns ab als der wind. Er iſt nit der do an­rüffet deinen namen. der do auffſtee vnnd dich halt Du haſt verborgen dein antlytz vor vns. du haſt vns zerkniſchet in der hand vnſer miſſe­tat Vnnd nun o herr du byſt vnſer vater. aber wir ſein ein kot. vnd du byſt vnſer macher. Vnnd all ſeyn wir die werck deiner hend O herr es iſt gnuͦg nit zürn. vnnd fürbas ge­denck nitt vnſer miſſetat. O herre ſchaw all ſeyn wir deyn volck. Die ſtat deines heyligen iſt wordē wuͤſt Syon iſt oͤd worden. Iheruſalem iſt veroͤdiget. das hawß vnſer hey­ligkeyt vnd vnſer glori. wa haben ſye dich gelobet vnſer veter. ſye iſt wordē in die verbrennung des few­res. vnd all vnſer begirlich dinng. ſind gekeret in vell O herr enthabſt du dich den̄ uͤber diſe ding du ſchwei geſt vnd wirſt vns vaſt peynigen. Sie ſuchten mich dy mich vor nicht fragten. ſie fandē. die mich nit ſuchtē Das II V. capitel. Wie ſich der iuden ein teyl zuͦ dem criſtenlichen gelauben bekeren wur den vnd von beruͤffung der heyden die ir abgoͤtter anbetten. Im war. ich. nim war ich. ſprach zuͦ dē volck das nitt anrüffet meinem namē ich han außgeſtreckt mein hend den gantzē tag zuͦ dē vn̄ glaubigen volck dz do nit gieng in dem guͦten weg nach ſeinen gedan­cken. Das volck das mich beweget zuͦ dem zorn. iſt zuͦ allen zeyttē vor meinē antlytz. die do opferen in den gerten. vn̄ opferten auff die zyegel­ſtein. die do wonen in den grebern. vnd ſchlaffen in dem tempel der ab goͤtter. die do eſſen. das ſchweynen fleyſch. vn̄ die verbannen brü iſt in iren vaſſen. die do ſprechen ſcheyd dich von mir. nit nahen dich zuͦ mir wan̄ du biſt vnreyn. diſe werdē ein rauch. in meinē grimmigē zorn. vn̄ ein brinnendes fewr den gantze taſ Sih es iſt geſchriben vor mir. Ich ſchweyg nit. wan̄ ich widergib vnd vergilt ewer miſſtat in irem buͦſen vn̄ die miſſtat ewer veter mitteinan der ſpricht der herre. die do opfferen auff den bergen vnd leſterten mich auff dē büheln. vnnd ich widermiſß zum erſten ir werck in irem buͦſen Diſe ding ſpricht der herre. Wie ob ein koͤrnlein wirdt funden in eym weyntrauben. vnd es wirt geſaget nicht verwuͤſt es wan̄ es iſt ein ſegē all ſo tuͦ ich vmb mein knecht. dz ich nit gar zerſtrewe. Vnd ich fürauß. den ſamen von iacob. vnd vō iuda beſitzend meynen heyligē berg. Vn̄ mein erweltē erbē ſy vn̄ min knecht wonen do. Vnnd die feld werden in die ſtell der kleynen herd. vnd dz talachor zuͦ eyner ruͦe der ſchweyge meim volck. die mich ſuchten. Vnd ir dye ir habt verlaſſen den herren.