Seite
Baruch Die Veiſſagung antlytz des vngewitters des hun­gers Sy müßigeten die weyber in ſyon. vnnd die iunckfrawen in den ſtetten iuda. Die fürſten ſind auffge hangen mit der hand. die antlitz der alten ſchamten ſich nitt. Sy miß­brauchten dye iungling vngeſche­mig. vnd die kind vielen im holtz. Die alten gebraſten von dē toren. vnd die iungen von dem tantze der ſingenden Die frewde vnſers hertzē gebraſt. vnd vnſer geſangk iſt geke ret in eyn weynen dye kron vnſers haubts iſt geuallen. Wee vns wan̄ wir haben geſündet. Darumb vn­ſer hertz iſt wordē traurig. darumb vnſere augen ſeind ertunckelt vmb dē berge ſyon. wann er verdarb. die füchs giengen an im Aber du herre du beleybeſt ewigklich. vnd dein ge ſeß in das geſchlecht in geſchlecht. Warumb vergiſſeſt du vnſer ewig klich. vn̄ laſſeſt vns in die lenge der tag O herre beker vns zuͦ dir. vnnd wir werden bekeret. Ernewer vnſer tag als von dem anfang Aber ver werffend haſt du vns vertribē. wan̄ du byſt erzuͦrnet wider vns ſterck­lich. Das gebet Hiere mie hat ein end. vn̄ hebet an die vor rede über das buͦch des weyſſagen arich e Itz buch dz da wirt vor be­deutet mit dez na men baruch. wirt nicht gehabt in d̓ zal der buͦcher die heyſſen geyſtliche bücher. Aber es wirt gehabt in der teußtulmetzſchung. die man nennt vulgata editio das iſt ſo man findt die außlegung der geſchrifft vnnd nit weiſt wer der außleger iſt Auch darzuͦ nent man ditz buͦch den ſend brief iheremie. Vmb der kundſchaft willen aber der leſenden ſind ſy hie geſchriben Wan̄ ſy zeigen vil ding von chriſto vnnd von den letzſten zeyden. Ein ende hat die vorred Vnnd hebet an das buͦch des weyſſagen Baruch­Das erſt Capitel Wie das buͦch baruch zuͦ erſt in ba­bilonia. vnnd darnach in iheruſaleꝫ geleſen ward. vnd wie baruch ſeyn ſelbs vnd des volcks verſchul dūg bekennet d ditz ſind die wort des buͦchs dye baruch der ſun Nerie des ſuns maaſie de­ſuns ſedechie des ſuns ſedei des ſuns helchie ſchrib in babilon in dē fünf ten iar an dem ſechßten tag des mo neds. in der zeyt. in dem die chal de er gewunnen iheruſaleꝫ. vnd zund ten ſy an mit fewr Vnd baruch laß die wort des buͦchs zuͦ den orn iecho nie des ſuns ioachim des künigs iu da. vnd zuͦ dē oren alles volck. das da kam zuͦ dez buͦch. vn̄ zuͦ den oren der ſün des gewaltigen künigs. vn̄ zuͦ den oren der prieſter. vnd zuͦ den oren des volcks aber die domon. in babilon. vō dē iungſten vntz zuͦ