Seite
Garuch Die Veiſſagung über die erbermbd Die euch kumpt vō vnſerm ewigen behalter. Wan̄ ich ließ euch auß mit klagen vn̄ mit weyne. aber got widerfüre euch mir mit frewden vnnd mit frolockung ewigklich Wan̄ als die zuͦgewand ten ſion ſahen ewer gefengknuß vō got. vnd alſo werden ſy ſehen in ei ner gehe ewer heil in got dz do kupt über euch mit groſſer ere vnnd mit ewigem ſcheyn Ir ſün leidet gedul tigklich den zorn. der do kumt über euch. wan̄ dein viend hat dich durch echtet Aber ſchier wirſtu ſehen ſeyn verlierung. vn̄ ſteygauff ſeine hals adern Mein zarten giengen dy har ten weg. wan̄ ſy wurden gefuͤrt als ein herde zerſtrewet von dē veindē. Ir ſün ſeit ſtarckes gemuͤtes vnnd rüfft zuͦ dem herren Wann ewer ge denckung wirt vō dem der euch fuͤ­ret Wann als ewer ſyn was. das ir irrtet von got zuͦ zehen mal. als vil werdet ir euch bekern vnd in ſuͦchen Wann der euch einfürt dye uͤbeln ding der wirdet euch zuͦfüren ander weyde ewige freud mit ewerm heyl Iheruſalem biß ſtarckes gemüts Wan̄ der dir trowet der vnderwey ſet dich. Die ſchedlichen werden ge­horſam die dich betrübten. vnd dye do ſind erfrewt in deim vall dy wer den gepeiniget Die ſtet dē dein ſün dienten. werden gepeyniget vnd dy do nam dein ſuͤn Wan̄ als ſie iſt er frewt in deinem vall. vn̄ hat gefro­locket in deinē nidergāg alſo wirt ſy betrübet in irer verwuͤſtung Vn̄ die frolockung irer menig wirt ab­geſchnitten vnd ir frewd wirt in eyn klag Wan̄ das fewr kumpt ir vō dē ewigē in dē langen tagen. vn̄ wirt eingewonet von den teuffeln in der menig der zeyt. Das.V. Capitel. Wie iheruſaleꝫ erfrewet werdē ſolt ab der zuͦkunfft irs herren chriſti vn̄ der heyligen apoſtel Heruſalē vmb ſchaw gegen dez aufgang der ſunnen. vn̄ ſih die frew de. die dir kumpt von got. wann ſih dein ſüne. dye du haſt gelaſſen zer­ſtrewet kumen Sie kumē geſamelt von dem auffgang vntz zuͦ dem ni­dergang. frewende ſih in dem wort des heyligen in die ere gots Iheru ſalem zeuh dich auß von dē gewand der klag. vnd deiner betruͤbung. vn̄ leg dich an mit der gezierd vn̄ mitt ere die dir iſt von got in der ewigen glori. Gott der gerechtigkeyt vmb gibt dich mit zwifaltigē gewande. vnd wirt auff ſetzen ein haubē deim haubt der ewigen ere. Wann gott zeygt ſeinen ſchein in dir Eim yeg­klichen. der do iſt vnder dem himel. wann dir wirdt genant dein name ewigklich von gott ein fride der ge­rechtigkeyt. vnnd ein ere der gütig­keyt Steet auff iheruſaleꝫ. vnd ſtee in die hoͤh. vnd vmbſchawe zuͦ dem auffgang vnd ſih dein geſamelten ſün von dem auffgang vntz zuͦ dez vndergang ſich frewend in dē wort des heyligen. in der gedechtnuß got tes Wann ſye giengen auß von dir zuͦ fuͤſſen gefüret vō dē veindē. aber der herre zufuͤret ſie zuͦ dir getragen in die ere als die ſuͦn des reichs wan̄ got hat geſetzet zedemütigen einen yegklichen hohen berg. vn̄ die hertē ſteyn vnd die tale zuͦ erfüllen in dye