Transkription / 2 [306

Baruch Die Veiſſagung grab. Alſo ſicheren die prieſter dye tuͤren mit beſchlyeſſungen vn̄ mitt ſchloſſen. das ſye nit werden außge zogen von den dyeben Vnd ſy zun den in an vil latern. Auß dem muͤgen ſy keins ſehen. Wann ſie ſeind als die trem in dem hauß. Wan̄ ire hertzen werden geſaget zuͦuerſchlin den die ſchlangen die do ſind vō der erd. ſo ſie eſſen. vnd ir gewand. vnd ſye empfinden ſein nit. Ire antlytz ſeind ſchwartz von dez rauch. der do wirt in dem hauß Auff iren leib vn̄ auff ire haubt. flie gen die eulen vn̄ die ſchwalben. vnnd auch zuͦgleicher weyß die voͤgel vnd die katzen. Dauon ſo wiſt. das ſie nit ſeind goͤtter Darumb nit fürchtet ſye. auch das gold das ſy haben iſt zuͦ der geſtalt es ſey dann das yemandt abſtreych den roſt. ſo ſcheynen ſye nit Wann ſye empfinden ſein nit. ſo ſye werdē geſchmeltzet. ſie ſeind gekaufft auß eyne yegklichen werd. vnd der geiſt iſt nit in in. Sye werden getragen on füſſe auff den achſſeln. Sie zeygen ir vnedelkeit den mēſchen. auch die ſie eren. die ſoͤllen werde geſchen det Darumb ob ſie vallen an die er de. ſy ſteen nit auff von in ſelber ob in einer nit aufgerecht ſetzet. er ſteet nit auff von im ſelber. aber in werden vnderleget die ach ſſeln als den todtē Ire opfer verkauffen ire prye ſter vnd verzeren ſye. vnd zuͦgleych erweyß ire weyber nemen ſy hin. vn̄ mitteylen kein ding den ſiechē noch den armen von iren opfern. dy new geberenden weyber. vnd bloͤden. vō in ſelb rüren ſy an Darumb von di ſen ſo wiſt. das ſie nit ſeind goͤtter. Nicht foͤrchtet ſy. wann wo vō wer de ſy geheyſſen goͤtter. wan̄ die weyber zuͦlegen dē ſilberin goͤttern. vn̄ dē gul din. vn̄ den hültzin. vnd dye prieſter ſitzen in iren heuſern vnnd haben zerriſſen roͤck vnnd haubter vn̄ einen beſchoren bart. der haubt ſeind nackent Sy lwen vnd ruffen wider ire goͤtter. als dye todten an dē abenteſſen Die prieſter nemē hin ir gewand. vnnd kleyden ire weyb vnd ir ſün Noch ob ſy ettwas uͤbel leyden vō etlichen. noch ob etwas guͦts. ſye mügen nitt widergeben. noch mügen ſie ſetzen eynen künig noch abnemē Zuͦgeleycherweiß mü gen ſie nit gebē die reichtumb. noch vergelten das übel. Ob in etlycher gelobt ein geluͤbd vnnd es nit vergilt. ditz ſuͦchen ſye nit Sye erloͤßen nit den menſchen von dez tod nog erledigen den ſiechenden von dem tod. noch erledigē dē ſiechendē vō dē gewaltigern Sy ſetzē nit den blinden menſchen wider zuͦ dem geſcht. ſye erloͤßen nitt den menſchen von dem gebreſten Sy erbarmē ſich nit der witwen. noch thuͦn wol dē weyſen. Ir goͤtt ſeind geleych den ſtey nen von dē bergen. huͤltzin. vnd ſtei nin. vnd ſilberin. Die ſie aber erendie werdē geſchendet. Darumb wie mag man gedencken oder ſagen. di ſe ſeyn goͤtter Noch ſo ſy nit eren dy chal deer. wann ſo ſie hoͤren eynen ſtummen. der do nitt mag reden. ſie bringen in bel. vnnd heyſchen von im das er rede Als ob die mügē em pfinden. die do nit haben bewegūg. Vnnd ſo ſie vernemen. ſye verlaßſen ſye. Wann ſye ſelb ir goͤtter haben nit ſynn Die weyber ſitzē vmbgebē mit ſtricken an dē wegē. ſy zün den an dy baumen der oͤlbaum. Vn̄ ſo etliche von in. wirdt abgezogen