Seite
propheten C Des auß in. von dē geenden. vnd ſchlafft bey im. Sie leſtert ire nehſten. dz ſie nit ſey gehaben als wirdig als ſye noch ir ſeyl zerbrochen. Wann alle ding die in geſchehen. ſeynd vall ſch. Darumb wie iſt zeſchetzen oder zu­ſagen. das ſie goͤtter ſein Wann ſie ſind gemachet vō den ſchmiden vn̄ von den gol dſchmiden. Sie werdē nichtz anders. denn das die prieſter woͤllen. das ſie ſein. Vnnd auch die gol dſchmid. die ſie machen. werden nit lange zeyt. Darumb muͦgē den̄ die ſein goͤtter die do ſind gemachet von in Aber ſie haben verlaſſen dy valſchen goͤtter vnd das laſter den kuͤnftigen. Wan̄ ſo uͤber ſye kumpt der ſtreyt vnnd die uͤbeln dinng. dye prieſter gedencken. wo ſy ſich verber gen mit in. Darūb in welcherweyß ſoll man empfinden das die ſeynd goͤtter. die ſich nit erloͤßen von dem ſtreyt noch ſich erledigen von den uͤbeln dingen Wann ſie ſeind hüll­tzin. vnnd ſteynin. vnnd überguͦldt vn̄ überſilbert darnach wirt gewiß ſet von allen leuten. vnnd von den kuͦnigen. des dy ding ſeind offenbar das ſie ſeind valſch. vnd das ſye nit ſeyn gotter. ſunder werck der hende der menſchen vn̄ dz kein werck gots iſt in in. Darumb. dauo iſt es offen­bar. das ſye nit ſeind goͤtter ſunder werck der hend der menſchen. vnnd kein werck gots iſt in in. Sye erkü­cken mitt der gegent eynen kuͤnig. noch geben den leuten den regen. Vnd vnderſcheyden nit das vrteyl noch erloͤßent dy gegent von dē vn̄ rechten. wann ſy muͦgen nichtz als die kroen in mit des himels vnd der erd Wann ſo das fewr einfelt in dz hawß der huͤltzin goͤtter. vnnd der gul din vnnd der ſilbrin. ir pryeſter flyehen vnd werden erloͤßt. aber ſie verbrinnē in der mitte. als die trem wann ſie widerſteen nit dem künig vnd dez ſtreyt. Darumb in welcher weyß iſt zeachten oder zuͦuernemen das ſy ſeyn goͤtter Die hültzin goͤt­ter vnd die ſteinin. vnd die übergül ten vnd die überſilberten erloͤßē ſich nit von den dyeben. vnnd von den raubern. wann die ſind ſtercker den̄ ſye Sy nemen in ab das gold. vnd das ſilber. vnd das gewand. do mit ſie ſind bedecket. vnd geen hin. noch ſy ſelb bringen in die hilff Darumb beſſer iſt zeſein ein kuͦnig der do zey­get ſeyn krafft oder ein nützes vaß in dem hauß. in dē do glorieret. der es beſitzet. oder ein tuͦr in dem hauß die do behuͤt die dinng. die do in im ſind. den̄ die vall ſchen goͤtter. dy ſun̄ vnd der mon. vn̄ die ſtern ſo ſy ſind ſcheinber vnd außgelaſſen zuͦ dē nuͦ tzen ſey ſeind gehorſam. vn̄ zegleich erweyß der plitz. ſo er erſcheint. er iſt durch ſichtig. vnnd auch zuͦ diſem ſel­ben weet der geyſt in einer yegklich en gegent. vnnd die wolcken ſo in wirt gebotten vō got durchzegeen allen vmbkreyß. ſy volbringen das in iſt gebotten Auch das fewr ſo es wirt außgeſant vō oben. das es ver wüſte die berg vnnd die welde. thuͦt das im iſt gebotten. Vnnd diſe dinng ſind nit geleich ir eim in den geſtall ten noch in den krefften Dauon iſt es nit zeſchetzen oder zeſagen. das ſy goͤtter ſein. ſo ſye nit mugen vrtey­len das vrteyl. noch ettwas thuͦn dez menſchen. Darumb wiſt das ſye nit goͤtter ſeyn. Darūb nit fürchtet ſye Wann ſye fluͦchen nit dē kuͤnigē noch ſegnē ſye. Sie zeygen nitt den