Seite
Ezechielis IIIII Die Veiſſagung buch verſpottē So ſprecht zuͦ in al­ſo. das nyemandt ſey der ſye dar zuͦ treyb. vnnd noͤtige. das ſey mein ge ſchrifft abſchreyben. Aber ich foͤrcht das in das begegne. das krichiſch iſt geſaget vn̄ wir bedeüten. vn̄ werdē geheyſſen vagolidori. das iſt eſſen­de die er abſchneydung Ein ende hat die vorrede Vnnd hebet an dz buͦch oder die weyſſagung des propheten Eze chielis Das erſt Capitel Wie ezechiel ſahe dz geſiht der vier tyer. vnd reder des thron gottes vn̄ der bil dnuß darauff ſo es ge ſchach in dē dreiſſigſtē iar in dem vierden vnd in dē fuͤnff­ten moned. do ich wz in mitt der ge­fangen bey dem fluſs thobar. die hi mel wurden auffgethan vn̄ ich ſah die geſiht gots An dez fuͤnfften tag des moneds. vn̄ iſt dz fuͤnfft iar des übergāgs Ioach im des künigs iu­da. vnd dz wort des herren ward ge­than zuͦ ezechiel dē ſun buzi. dez prie ſter in dem land der chal deer bey dē fluſs thobar Vn̄ do ward die hand des herren über in. Vn̄ ich ſahe vnd ſeht Ein wind des winſpreuls kam vō mittnacht. vn̄ ein groß wolcken vn̄ darin ein weltzends fewr. Vnd ein ſchein in ſeinē vmbkreyß. vn̄ vō ſeiner mitte als ein geſtalt des golt ſchaums. dz iſt von mitt des fewrs. Vn̄ in ſeiner mitte ein geleychnuß vier tyer. vn̄ ditz iſt ir angeſiht. Die gleichnuß des menſchen was in in. Vn̄ vier antlitz eim. vn̄ vier fluͦgel eim. Vn̄ ire füß waren recht füß. vn̄ dy ſollen irs fuͦß was als die ſolle deſ fuͦſs eins kalbs. vn̄ funcken als dye angeſiht des leuchtenden eres Vnd die hend des menſchen warn vnder iren federn in vier teylen. vn̄ ſy het ten antlitz vn̄ federn durch vier teil vn̄ ir flügel warēd zuͦſamē gefuͤget des einē zuͦ dem andern. Sie kerten nit wider ſo ſie giengen. vn̄ ein yeg klichs gieng vor ſeim antlitz. Aber die gleichnuß irer angeſiht. dz ange ſiht des menſchen. vn̄ das angeſiht des lewen zuͦ irer gerechtē. vier. aber dz antlitz des ochſſen zuͦ irer lincken vier. vn̄ das antlytz des adlers von oben irer vier. vn̄ ire antlytz vnnd ir federn außgeſtrecket daruͤber Zwen fluͤgel ir yegklicher wurden zuͦſamē gefüget. vn̄ die zwen bedeckten iren leib Vn̄ ir iegklichs gieng vor ſeim antlytz Wo die gehe des geyſts wz do hin giengen ſie vn̄ kerten nit wi der ſo ſie giengen Vnd die geleych. nuß der tyer. vn̄ ir angeſiht wz als das fewr der brinnendē koln. vnnd als dz angeſiht der ampeln. das wz ein hin vnnd her lauffendt geſiht in mitte der tyer Ein ſchein des few res. vn̄ vō dē fewer ein außgeender blitz Vn̄ dy tyer giengen vn̄ kerten wider. in der geleichnuß des ſcheynē den plitzes Vn̄ do ich an ſah dy tier ein rad erſchin auf d̓ erd bei dē tierē dz het vier antlitz Vn̄ die angeſiht der reder vnd ir werck wz als ein ge ſiht des meers. vnnd ein gleychnuß was der vier. vnd ir angeſiht vn̄ dz