Seite
propheten CI XIIIIII Des vō oriēt in dz angeſiht des geſunder te gebews. vn̄ es warē vor dē gebew ſchatzhewſer vn̄ ein weg vor irē an geſcht nach dē gleichnuß d̓ ſchatzka mern. die. die da warē in dē weg vō mitternacht Nach ir leng. alſo was auch ir breyt. vnd all ir eingeeng vn̄ ir geleychnuß vnnd ir türen waren nach den türen der ſchatzheuſer. die da waren an dez weg ſehend gen dē nidergang Ein tür an dem haubt des wegs der weg was der vorlau­ben des geſunderten gebeweſ. durch den weg den eingeenden vō orient. Vn̄ er ſprach zuͦ mir Die ſchatzhew ſer von mitternacht. vnnd die ſchatz hewſer von dem nidergang die da ſein vor dem geſundertē gebewe. di­ſe ſeind die heiligen ſchatzheuſer. in dē da eſſen die prieſter. die ſih zunehē zuͦ dem herren in die heyligkeyt der heiligen. Da ſetzen ſie die heiligkeit der heyligen. vnnd das opffer vmb dyſünd vnd vmb die miſſtat Wan̄ ein heylig ſtat iſt es. wann aber ein gegangen ſeind die prieſter. nit wer den ſye außgeen von den heyligen in das euſſerſte vorhauß Vnnd alda werden ſy widerlegen ir gewand in den ſie dienen. wenn heylig ſeind ſy vnd werden bekleydet mitt anderm gewand. vnd alſo werden ſie fürge en zuͦ dē volck. Vn̄ da er erfüllt het die maß des innerſten hauß. da fürt er mich durch den weg des tors. das da ſah gegen dem weg gen orient. vn̄ maß den überal durch den vmb kreyß Aber er maß gegen dez wind gen orient mitt dem halm der maß fünffhūdert helm in dem halm der maß durch den vmbkreyß. Vnnd er maß gegen dem wind mitternacht fünffhundert helm in dez halm der maß vmb vndumb. Vnd zuͦ dem wind gegen dem nidergang maß er fünffhundert helm in dez halm der maß. Durch die vier winde hatt er gemeſſen die leng fünffhūdert elen bogen. vnd die breyt fünffhundert ellenbogen. Vnd die maur ſcheydet zwyſchen dem heyligtumb vnd der ſtat des volcks Das XI. IIIIIIII. capitel Wie Ezechiel die glori gottes ſah. Vnnd wie im got die ſtat ſeiner hey ligkeit weyßet. Vnd er furt mich zuͦ der porten. dye da ſah gegen dem weg gen orient. vnd ſeht. die ere gotz iſra hel gieng eyn durch den weg von orient. vnd die ſtymm was im als ein ſtymm vil waſſer. vnd die erde ſchyne von ſeiner maieſtat. Vnnd ich ſah eyn geſcht nach der geſtalt. die ich het geſehen. da er kam. das er zerſtoͤret die ſtat. vnd die geſtalt wz nach der ſelben angeſiht die ich geſe hen het bey dem waſſer tobar Vnd ich viel auff mein antlitz. vnnd dye maieſtat des herren gieng ein in dē tempel durch den weg der porten dy da ſah gegen dem auffgang Vnnd der geyſt erhuͦb mich. Vnnd füret mich in das ewſſerer vorhauß. Vnd ſeht dz hauß wz erfüllt mitt der ere desherre. Vnnd hort in reden von dē hawß zuͦ mir. Vnnd der mann der da ſtuͦnd bei mir. ſprach zuͦ mir. Du ſun des menſchen. dz iſt die ſtat mei­