Seite
Ezechielis Die Weiſſagung nes kuͦnigklichen ſtuͦls. vnd die ſtat der fuͦßtrit meiner fuͤß. da ich wone in der mit der kinder Iſrahel ewig­klich. vn̄ wirt nit fuͤrbas dz hauß iſ rahel vermeyligen meinē heyligen namē ſie vnnd ir kuͤnige in iren vn­keuſcheiten vnd in dē vellen irer kü­nig. vnd in iren hoͤhen die da ſeind gezymmert. ir geſchwell. vnnd ir tuͤr ſtuͤdel nach meinem tuͦrſtuͤdel. vnd nach meinē ſchwellen. vn̄ eyn maur was zwiſchen in vn̄ mir. Vn̄ ſy ver meylichten meinē heyligen namen in iren vnmenſchlichkeyten die ſye habē gethan. vmb das verzeret ich ſie in meinē zorn Nun darumb ſoͤll len ſie vō in triben verr ir vnkeuſch heit vn̄ die vell irer künig von mir vnd ſo wird ich wonen in irer mitte all zeyt Du aber menſchē kind zeig dē hauß iſrahel den tempel. vn̄ wer den geſchendet von irer boßheit vn̄ gedencken dz gebewe. vnnd ſchemen ſich auß allen den ſie haben gethan. Die figur des hauſs vnnd ſeins ge­bewes. die außgeng vn̄ die eingeng vnnd all ſein beſchreibūg vnd all ſei ne gebot. vnd all ſein ordnūg vnd geſetz. zeyge in vnd ſchreib in irē au­gen dz ſie behüten all ir beſchreibūg vnnd alle ſeine gebot. vnd thuͦn ſye dz iſt dy ee des hauß auff der hoͤh des bergs All ſeine end in dē vmbkreyß iſt die heyligkeit der heiligen. Dar umb das iſt dye ee des hawſs. Aber ditz ſein die maß des altars in dem warhafftigiſten elenbogen. der da het einē elenbogen vn̄ ein ſpan̄ In ſeiner ſchoß was ein ellenbogen vn̄ ein elenbogen in der breyt. vn̄ ſeyn kron vntz biß an den lebſen in dem vmbkreyß einer ſpanne Vnd dz wz die gruͦb des altars. Vnnd von der ſchoß der erden. vnd vntz zuͦ dē auſ­ſerſten teyl des altars zwen ellenbo­gen. vnd die breyt eines elenbogen vnd vō der mynſten bettaffeln vntz zuͦ der meiſten bettaffeln vier ellenbo gen vnd die breit eines ellenbogen. Aber der altar des gantzen gezünd ten opffers vier elenbogē vnnd vō dem altar vntz uͤberſich vier hoͤrner Vnnd der altar in der leng zwoͤlff ellenbogen durch zwoͤlff elenbogen der breyte gleycher ſeyten vier ge­winckelt. Vnnd die hoͤh der betta feln vierzehen ellenbogen der lenge in die breyt ſeiner vier winckel vier zehen ellenbogen vnd ein kron in ſei nem vmbkreiß eines halben elenbo gen vn̄ ſeyn ſchoß eynes elenbogē durch dē vmbkreyß. Aber ſein ſtap feln ſein gekeret gegen orient Vnd er ſprach zuͦ mir. Menſchen kind. dz ſpricht der herr got. Das ſind die ſitt ten des altars an welchē tag er wirt geſtifft dz man darauff opfer gantz entzundt opffer vnd werde vergoſ­ſen dz bluͦt. Vnnd wirſt das geben dē prieſtern vnd dē leuitē. die da ſind von dez ſamē ſadoch. die da geen zuͦ mir ſpricht der herr got. das ſye mir opffern ein kalb von dē rindern für die ſünde Vnnd nim von ſeinē bluͦt vnd leg dz auff ſein vier hoͤrner vn̄ auff ſein vier winckel der hoͤh oder des euſſerſten teyls des altars. vnd auff die kron in dem vmbkreyß vnd wirſt den reinigen vn̄ ſewbern. Vn̄ heb auff das kalb das geopffert iſt für die ſünd. vn̄ verbren dz an einer geſundertē ſtat des hauß außwēdig des heiligtūbs vn̄ an dē andern tag wirſtu opffern eyne vermeyligten