Seite
Die Veiſſagung Amos Cc XI Hie hat ein ende io hel d̓ prophet. Vnnd hebt an amos der prophet Das erſt Capitel Wie der prophet amos prophetirt wider die reych der ſirier. philiſtiner. tyrum. ydumeam. vnnd die kinder ammon. ſe wort amoſder da was vnder den hirtlichen dingen oder in dē hutē thecue die er ſah uͤber iſrahel. in den tagen ozie des künigs iuda. vn̄ in dē tagē iheroboā des ſuns ioas des künigs iſrahel vor zweyen iaren was dy erd bidem vnnd ſprach. Der herr lüet vō ſion. vnd gibt ſein ſtym vō iheruſa lez. Die ſchoͤnen ding der hirtē klag ten vnd die hoͤh des carmels iſt auß getruͤcknet Diſe ding ſprichet d̓ herr Vber drei miſſtat damaſci. vn̄ uͤber vier. beker ich in nit darumb das ſie tragē in den eyßnin wegen galaad Vnd ich will ſenden dz fewr in das hauß aſahel. Vnd er verwüſtet dye heuſer benadab. Vnd ich zerkniſche die rigel damaſci. vn̄ wird zerſtrewē den inwoner vō dē veld des abgots vnd den. der da helt das scepter von dē hauß der wolluſt. vnd das volck ſirie wirdt übertragen zuͦ cyrennen. ſpricht der herr Diſe ding ſpricht der herre got. Vber die drey miſſetat ga ze. vnd uͤber vier. beker ich in nit dar umb das er übertruͦg die volkumen gefengknuß dz er ſie beſchluͦß in ydu mea. Vnd ich ſend das fewr auff die maur gaze. vn̄ es verwuͤſt ſeine heu ſer. vn̄ ich will zerſtrewen die einwo ner von aſoto. vnd den. der da helt das scepter vō aſcollon vnd ich will keren mein hand über accaron. vn̄ die uͤbrigen der philiſtiner verderbē ſpricht d̓ herr got Diſe dinng ſpricht der herr. uͤber drey miſſetat tyri. vnd uͤber vier. ker ich in nit. darumb das ſie beſchluſſen die volkumen gefeng knuß in ydumea vnd gedachten nit des gelübds der brüder. Vnd ſende das fewr auff die maur tyri. vnd es wirt verwuͤſten ſeine hewſer. Diſe ding ſpricht der herre. Vber die drey miſſetat edom vnd uͤber vier ker ich in nit. darumb das er hat durchech­tet ſeinen bruͦder in dem waffen vn̄ hat vermeyliget ſein erbermbde. vn̄ hielt fuͤrbas ſeyn grimmigen zoren vnd behielt ſein vnwirdigkeit vntz an das ende. Ich ſende das fewr in thema. vnd es verwuͤſtet die heuſer boſre. Diſe dinng ſprichet der herre. Vber die drey miſſetat der ſuͦn am­mon. vn̄ uͤber vier ker ich in nit. dar umb das er hatt von einander ge­hawen dye ſchwangern galaad ze­weyttern ſein ende. Vnnd ich zünd an das fewr auff der maur rabbat. vnd es verwüſt ſeine heuſer. in klag an dem tag des ſtreyts. vnd in dem ſturmwindt. an dem tag der bewe­gung Vnnd melchon wirt geen in gefencknuß. er. vnd ſein fuͤrſten mit einander ſpricht der herr Das.IIII. capitel Vie amos redt wider die iuden die chri­ſtum verkaufften