Seite
Die Veiſſagung Michee wan̄ nun wirſt du außgeen vō der ſtat. vn̄ wirſt wonen in der gegent vnd wirſt kumē vntz zuͦ babilonien Vn̄ do wirſt du erloͤßt. do wirt dich der herr erloͤſen vō der hand deyner veynd. Vn̄ nun ſind geſamelt über dich vil voͤlcker. die do ſprechen Sie werde verſteynet vnd das das anſe he vnſer aug in ſyon. Aber ſie habē nicht erkant die gedancken des her­ren. vnd ſie haben nicht erkant ſey­nen rat. wan̄ er hat ſie geſamelt als das hew des tennes. Stee auff vnd triſch du tocheer ſyō. wan̄ dein horn wird ich eißnen ſetzen. vn̄ dein klaw en wird ich ſetzen erin. Vn̄ du wirſt zerreyben vil voͤlcker. vnd du wirſt toͤten dem herren ire rewb. vnnd ir ſtercke dem herren aller erden Das.V. Capitel. Wie der prophet ſagt von der ſtat der geburt chriſti. nach der veruol­gung der ſynagog vnd von den die im anhangen wurden. ſ Vn̄ wirſt du verwüſtet tochter des moͤrders vmblegūg ha ben ſie geſatzt uͤber vns. In der ger ten werdē ſie ſchlahen die wang des richters iſrahel. Du bethleem effra ta. du biſt kleyn in den tauſeten Iu da Auß dir wirt mir außgeen. d̓ do ſey ein herſcher in iſrahel. vnd ſeyn außgang vō anfang von den tagē der ewigkeit. Darumb wirt ſie gott geben vntz zuͦ der zeyt. in der. in der do wirt geberen die geberend. Vnd die überbeleybungen ſeiner brüder werdē bekeret zuͦ den ſünen iſrahel. vnd wirt ſteen. vnd wirt weyden ir ſün in der ſterck des herren in d̓ hoͤh des namen des herren ſeines gots. Vnnd werden bekeret. wen̄ nun wirt es gegroͤſſet vntz zuͦ den enden d̓ er de. Vnd dir wirt frid ſo der aſſyrier wirt kumen in vnſer erd. vnnd wen̄ er wirdt tretten in vnſern hewſern. Vnd wir werden erwecken über in ſiben hirten. vn̄ acht haubtleut Vn̄ die werden weyden die erde aſſur in dez ſchwert. vnd die erd nemroth in ire ſpeyßen. Vn̄ wirt erloͤßen vō aſ­ſur. ſo er wirdt kumen in vnſer erde vn̄ ſo er wirt tretten in vnſern endē Vn̄ es verden die beleybung iacob in dem mittel maniger voͤlcker. als das taw vom herren. vn̄ als die tro pfen auff das kraut die da nit harret eins mans. vn̄ nit erwartet der ſün der menſchen Vn̄ die beleibungeia cob werden in den heyden in dē mit tel maniger voͤlcker. als der leo in dē vihen der welt. vn̄ der iung lewe in den herden der vih. Wann ſo er wirt geen vn̄ tretten vn̄ wirt nemē der iſt nitt. der da erloͤße. dein handt wirt erhoͤhet über deine veynt vnd alle dein veind werdē vergeen. vnd es wirt in dem tag ſpricht der herr. ich wird hinnemen deine pferd von deinē mittel vn̄ wird zerſtrewen der nen vierredrigen wagen. vnd wird verlieren die ſtett deiner erde. vnnd wir verwuͤſten alle deine veſten od̓ bewarunge. Vnd wird abneme die zaubernuß vō deiner hand. vnd die warſagūg werdē nit in dir. Vn̄ ich wird machen vergeen dein gehawē bild. vn̄ dein ſeul vō deinem mittel wird ich zerriben. Vn̄ wirſt nit fuͤr­bas anbetten die werck deiner hen­de. vn̄ ich wird außrewtē dein weld von deinē mittel Vn̄ ich wird zerr