Seite
Michee Die Veiſſagung Das.VII. Capitel. Wie der prophet die ſünd des vol­cks beſchrye. Vnnd es ſtraffet vmb dye ſünde der boßheyt brüderlicher vientſchafft Ee mir wann ich bin wordē als der da zuͦſamen lißet in dem herbſt dy kley nen weynreben Der weyntraub iſt nit zuͦeſſen die erſten zeytigē feygen hat begeret mein ſele. Der heilig iſt verdorben vō der erde. vn̄ der recht iſt nicht in den leuten. All tragē ſie heimlich vientſchafft in dem bluͦt. der man iagt ſein bruͦder zuͦ dē tod Dz boͤß irer hend. ſagen ſie guͦt Der fuͤrſt vorredet vnnd der richter iſt in dē widergeben. Vnd der groſſe hatt­geredet die begird ſeiner ſel. vnd ha bē ſy betrübet. Der beſt in ine iſt als ein klet vnd der recht iſt als ein dorē vom zaun Der tag ſeiner ſchawūg dein beſüchunge iſt kumen. vn̄ nun wirt ir verwüſtung Nicht woͤlt ge lauben dem freund. vn̄ nit woͤlt ge trawen in den fürſten Von der. die do ſchlefft in deiner ſchoß. behüt die ſchloß deines munds. wenn der ſun macht laſter dem vater. die tochter wirt auffſteen wider ir muͦter. dye ſchnure wider ir ſchwiger. vnd ſein haußgenoſſen ſein viend des men­ſchen Aber ich wirde ſehen zuͦ dē her ren. vn̄ ich wird harren gots meins behalters. Der herre mein got wirt mich hoͤren. Nicht frewe dich uͤber mich mein veindin. wan̄ ich bin ge­fallen Ich wird nicht auffſteen. So ich ſitz in den vinſternuſſen der herr iſt mein liecht Den zorn des herren wird ich tragen. wen̄ ich hab im ge­ſündet. vntz das er richtet mein ſach vnd thuͦ mein gericht. vnd er wirdt mich außfu̇ren in dz liecht. ich wird ſehen ſein gerechtigkeit. vnd meyn veindin wirt zuͦſehen. vnnd wirt be decket mit beſchemūg. die do ſpricht zuͦ mir Wo iſt der herr dein got mei ne augen werden ſehen in ſy. Nun wirt ſie in zertrettung als das kot d̓ gaſſen. Die tage das do werden ge­bawet deyn gemewre. In dem tag wirt verr das geſetz. Vnd in dez ta­ge wirt kumen aſſur vntz zuͦ dir zuͦ den gewarnten ſtetten vnd vō den gewarnten ſtetten vntz zuͦ dem fluſ ſe. vn̄ zuͦ dem mere vō dem mere. vn̄ zuͦ dem berg von dem berg. Vnnd die erd wirdt in verwüſtunge vmb irer einwoner willen vnd durch der frucht willen irer gedancken. weyde dein volck in deiner ruͦt. dy herd dei nes erbs. wonend allein in dē wald In dez mittel des carmels werden ſie geweydet baſan. vnd galaad bei den altē tagē. nach den tagē deyner außgeeūg vō d̓ erd egipti. wird ich im zeigē wunderwerck Die voͤlcker werden ſehen vnd werden beſchemt uͤber all ir ſterck Si werdē die hand legen auff den mund. ir oren werdē vngehoͤrend. Sie werden lecken dē ſtaub als die ſchlangen. als dy krye chenden tier d̓ erdē werdē ſy betruͤbt von iren hewſern. Des herren vn­ſers gotz werden ſie nit begeren. vn̄ werden dich fuͤrchten Welcher gott iſt dein geleychen. der du abnimpſt dye boßheyt. vnnd geeſt durch dye ſuͤnde der beleybungen deynes erbs Er wirt fürbas nitt eynlaſſen ſey nen grymmen. wenn er iſt woͤllen Die barmhertzigkeyt. Er wirdt wi derkeren. vnnd wirdt ſich erbarmen