Transkription / 2 [461

Des Propheten corbekeret zuͦ euch ſpricht d̓ herr der heer Ir ſuͤllet nit ſein als ewer veter. zuͦ den do ſchreien die vorgeenden propheten ſprechend. Diſe ding ſpricht der herr der heer Bekeret euch vō euwern boͤſen wegē vnd ewern boͤſiſtē gedancken. vnnd ſie haben nit gehoͤret noch haben aufgemerckt zuͦ mir ſpricht der herr der heer. Wo ſeynd ewer vetter vnd die weyſſagen Werden ſie den nit ewigklich leben Doch mein wort vnd mein eelich geſetze. die ich hab gebotten meinen knechtē den weyſſagen. haben ſy denn nit be griffen ewer veter Vnd ſeind bekert vnd haben geſaget. Als der herr der heer hat gedacht zuͦ thun vns nach vnſern wegen. vnnd nach vnſern fin dungen hat er vns gethan. In dē vierundtzwentzigſten tag des eylfftē monats ſabath oder des hornungs in dem andern iar darij. iſt geſchehē das wort des herren zuͦ zacharia dez ſun barachie dem ſun addo. dē wey ſagen ſprechēd. ich hab geſehē durch die nacht. vnd ſeht ein man auffſtey gend auf ein rots pferd. vnd er ſtūd zwiſchen der ſtat der mirdorner. dye do waren in der tyeffe. vnnd nach im rote pferd manigerlei farb vnd wei ße. Vnnd ich ſprach. Mein herr wer ſeynd die Vnd der engel des herren der do redt zuͦ mir ſprach zuͦ mir Ich zeyg dir was diſe ding ſeind. Vnd d man der do ſtund zwiſchen den mirdornern. antwurt vnnd ſprach Dyſe ſeind die der herr hat geſant. das ſye durchwandeln die erd Vnd ſie antwurten dem engel des herren. der do ſtund zwiſchen den mirdornern vn̄ ſprachen Wir haben durchwandelt die erd. vnd ſeht alle erd ward ingewonet vnd rwet Vnd der engel des herrē antwurt vnd ſprach. Herr der heer wie lang wirſtu dich nit erbarmen iheruſalem. vnd der ſtett iuda den du biſt zornig Diß iſt ietzunt dz ſibentzigſt iar Vnd der herr antwurt dem engel. der do redet in mir guͦttē wort. troſtliche wort Vnd der engel ſprach zuͦ mir. der do redet in mir. Schrey ſprechend Diß ſpricht d̓ herr der heer. Ich hab liebgehabt iheruſalem vnnd ſyon mit groſſer liebe. Vnnd mit groſſem zoren zuͦrn ich uͤber die reychen voͤlcker. wenn ich hab ein wenig gezuͦrnet Aber ſie ha ben zuͦſamen geſchworen in dz uͤbel Darumb diſe ding ſpricht der herre Ich wurd widerkeren in iheruſaleꝫ in den erbermungē. vnd mein hauß wirt gebawen in ir. ſpricht der herr der heer. Noch werden uͤberflyſſen mein ſtett mit den guͦtern. vnd der herr wirt noch troͤſtē ſyon. vnd wirt noch auſſerwellen iheruſalem. Vnd ich hub auff meyne augen. vnd ſah vnd ſeht vier hoͤrner. Vnd ich ſagt dez engel der do redet in mir. Was ſeind diſe ding Vnnd er ſagt zuͦ mir Diß ſeind die hoͤrner die do zerſtrwten iudam vnd iheruſalem vnnd iſra hel Vnnd der herr zeyget mir vyer ſchmyd Vnd ich ſprach was kümen diſe zethun Er ſprach ſagend. Dyſe ſeind die hoͤrner die haben zerſtrewt iudam durch alle mann. vnd ir keyner hat aufgehabēſein haubt. Vnd diſe ſeind kumen ſie zuͦ erſchrecken. dz ſie abwerffen die hoͤrner der voͤlcker. die do haben auffgehaben die hoͤrner auff dye erd iuda das ſye ſie zerſtrew ten. Das III capitel wye der prophet in einem geſiht. beſchrei Eiiij