Seite
Veiſſagung zacharie bet die kunfftigen pawung iheruſallē Vnd ich huh auf mein augē vn̄ ſah vn̄ ſeht ein man vn̄ in ſeiner hand ein ſtrick der maſſe. Vnnd ich ſprach. Wo geeſt du hin. Vnd er ſp­rach zuͦ mir. Das ich meß iheruſaleꝫ vnd dz iudiſch land wie groß do ſey ſein breyte. vnd wie groß do ſei ſeyn lenge. vnd ſeht der engel. der do redt in mir gieng auß. vnd ein ander en gel gieng im entgegen vnnd ſprach zuͦ im Lauff vnd red zuͦ dieſem kind ſprechend. On maur wirt ingewo­net iheruſalem vor dē menig der mē ſchen vnd der vih in ire mittel Vnd ich wird ir. ſpricht der herr. die maw­er des fewers in dem vmbgang vnd ich wird in eren in irem mittel. O. o o flyehet vō der erden d̓ mitternacht ſpricht der herr. wan̄ ich hab euch zer ſtrewet in die vier wind des hymels ſpricht der herr. O ſyon flewh die du woneſt bey der tochter babilonis. wenn die ding ſpricht der herr d̓ heer Nach der glori hatt er mich geſant zuͦ den voͤlckern die euch haben be­raubet. Wenn wer euch wirt beruͦ­ren. der wirt anruͦren den augapffel meiner augen. Wen̄ ſih. ich heb auſ meyn hand uͤber ſie. vnd ſie werden dem raub den/ die in haben gedienet vnd ir werdet erkennen. wan̄ der herr der heer. hat mich geſant. Lobe vnd frew dich tochter ſyon. wenn ſih. ich kume. vnd wurd wonen in deynem mittel. ſpricht der herre Vnd vil voͤl cker werden zuͦgefuͤget zuͦ dem herrē in dem tag. vnnd ſie werden mir in ein volck. Vnd ich wurd wonen in deinem mittel. vnd du wirſt wiſſen dz mich der herr der heer hat geſant zuͦ dir. Vnd der herr wirt beſitzen iu dam in ſeim teyl in der geheyligten erd. vnd wirt noch auſſerwelen ihe­ruſalem. Alles fleyſch ſchweyg von dem antlitz des herren. wen̄ er iſt auff geſtanden von ſeiner heyligen wo­nunge Das.IIIIIII. capitel. vo der troͤſtung des oͤberſten prieſters vnnd von der menſch werdung chri ſti. nd der herr hat mir gezeyget dē groſ­en prieſter iheſum ſteend vor dem engel des herren. vnnd ſa­thā ſtund zuͦ ſeiner gerechtē dz er im widerſtunde Vnd der herr ſprach zuͦ ſathan. in dir ſtraff der herre ſathan vnd der herr ſtraff in dir. der do hatt auſſerwelt iheruſalem. Iſt nit diſer brant erloͤſet von dem fewer. Vnd iheſus was angethan mit ſtincken­den kleidern vnd ſtund vor dez ant litz des engels. Der antwurt vnnd ſprach. zuͦ dez. die do ſtunden vor im prechend Nembt ab die ſtinckendē kleyder von im. Vnd ſprecht zuͦ im Seht. ich hab abgenumen von dir deyne boßheyt. vnd hab dich angeta mit tewrn kleydern. Vnd ſprach ſer et einen reynen biſchoffhut auff ſein haubt. vnnd ſie ſatzten einen reynen biſchoffhut auff ſein haubt. vnd ler ten in an mit weyſſen kleydern Vn̄ der engel des herren ſtund vnnd der engel des herren bezewget ſprechēd Diſe ding ſpricht der herrd heer Iſt das du wirſt wandelen in meinē we­gen. vnnd wirſt beguͦten mein hut vnd du wirſt auch richtē mein hauß