Transkription / 2 [472

zacharie Veiſſagung derteyl des volcks wirdt nit hingenumen auß der ſtat Der herr wirdt außgeen vnd wirt ſtreytten wid̓ dy voͤlcker als er hat geſtrytten in dem tag des ſtreyts. Vnnd ſein fuͦß werden ſteen in dem tag auff dem berge der oͤlbaum. der do iſt gegen iheruſa lem zuͦ dem aufgangk. vnd der berg der oͤlbawm wirt geteylet von ſeinē mitteln teyl zuͦ dem aufgang. vnnd zuͦ dem vn̄ dergang gar eyn groſſer bruch. Es wirt geteylet das mittel des bergs zuͦ mitternacht. vnnd ſein mittel zuͦ dem mittag Vnnd ir werdet flyhen zuͦ dem tal irer berg. wen̄ das tald berg wirt zuͦgefuͤget vntz zuͦ dem nehſten. Vnnd ir werdet flyehen als ir habt geflohen von dē antlitz der bewegung der erde in den tagen oſye des kunigs iuda. Vnd der herr mein got wirt kumen. vnd alle heyligen mit im. Vnd es wirt in dē tag. das nit wirt das lyecht. ſunder dye kelt. vnd das gefruͤſt Vn̄ es wirt ein tag der do offenbar iſt dem herrē nit tag noch nacht. vnd in der zeyt der veſper wirt das liecht. Vnnd es wirt in dem tag. es werden außgeē lebendige waſſer von iheruſaleꝫ. Ir mittel zuͦ dem meer des auffgangs vnd ir mittel zuͦ dem leſten meer In dem ſumer. vnd in dem winter werden ſie. vnd der herr wirt ein kuͤnig uͤber alle erde. In dem tag wirt ein herr vnd ſein nam wirt eins. vnnd alle erd wirt widerkeren vntz zuͦ der wuͤſte vonn dem buͤhelremmon zuͦ dem mittag iheruſalem. vnnd wirdt erhoͤht vn̄ wirt wonē in irer ſtat vō der portē benianim vntz zuͦ der ſtatt der vordern porten. vnd vntz zu der porten der winckel. vnd von dē turn ananehel vntz zuͦ den preſſen des ku nigs Vn̄ ſie werden wonen in ir. vn̄ fürbas wirt kein verpannung Aber mer iheruſalem wirt ſitzen ſicher vn̄ diſe wirt die plag. mit der der herre wirt ſchlahen alle voͤlcker. die da ha ben geſtritten wider iheruſalem. Dz fleyſch eins yegklichen ſteendē auff ſeinen fuſſen wirt faulen. vnd ſeyn augen werden faulen in irē loͤchern vnd ir zung wirt faullen in irē mūd in den tage wirt ein groß gedoͤn des herren in in. vnnd der man wirt begriffen die hende ſeines nehſten vnd ſein hand wirt zuſamen geſchloſſen auff die hand ſeines nehſten Sund auch iudas wirt ſtreytten wider iheruſalem Vn̄ es werden zuͦſamen geſamelt die reichtumb der voͤlcker in dem vmbkrayß gold vnd ſilber kley der vil genung Vnnd alſo wirt der vall des roſs. vnd des mauls. vn̄ dē camels vnd des eſels. vnd aller vih die da werden ſein in den gezeldten als diſer val. Vnnd alle andern. dye do werden ſein vō allen andern voͤl ckern. die da ſeind kumen wider iheruſalem die werden auffſteygen vō iar zuͦ iar. das ſie anbetten den kunig den herren der heer. vnd feyren dye hohtzeyt. der gezeld Vnd es geſchicht das der da nit wirt auffſteygen von den geſinden der erde zuͦ iheruſalem das ſie anbeten den kunig den herrē der heer. nit wirt uͤber ſye der regen. Vnd ob auch das ingeſind nit wirt auffteygen. vnnd nit wirt kumme. Es wirt auch uͤber es der regē nit. Aber es wirt ein val. mit dē der herr wirt ſchat alle vn beker diedonie ſund aufgeſtygen zefeyern die hohtzeyt d̓ gezeld. Das wirt die ſund egipti. vn̄ das wirt die ſund aller voͤlcker. dye do nit aufffteygen zefeyren die hoh