Seite
Des Propheten CXIIIII tzeyt der gezeldt. In dem tag. dz do auff dē zaum des pferds iſt. dz wirtt heylig dem herren. vn̄ werden tigel in dem hauß des herrē. als die ſchen­ckuaß bey dem altar Vnd es wirdt ein yegklicher tigel in iheruſaleꝫ. vn̄ in iuda. geheiliget dez herren d̓ heer Vnd es werden kumen alle opffren den. vnd werden nemen auß in. vn̄ werden kochen in in Vnnd furbas wirt keyn kauffman in dem tag inn dem hauß des herren der heer. Ein end hat der pro phet zacharias. vn̄ hebt an malach­ias der prophet. Das erſt. Capi. wie der prophet das volck vnd die prye­ſter mitteinander. vnnd darnach einē yegklichen beſunder vmb ire ſund ſtraffet. Ie bur de des worts des her­ren zuͦ iſrahel in der hād ma­lachie des pro pheten. Ich hab euch liebgehabt ſp­richt der herr. Vnnd ir ſpracht War­innen haſt du vns liebgehabt Was nit eſaw ein bruder iacob. ſpricht d̓ herr der heer Vnd ich habliebgehabt iacob Aber eſau hab ich gehabt inn haſs. Vnnd hab geſetzet ſeyr ſeynen berg in eyn einoͤde. vnd ſeyn erbe in die wuͤſte der tracken. Vnnd ob da wirt ſagē ydumea. wir ſein verwuſt ſo wir aber widerkeren. ſo werdē wir widerbawē die ding die da ſeind zer­brochen Diſe ding ſpricht. der herr d̓ heer Diſe werdē bawen. vn̄ ich wird verwuͤſten Vn̄ ſie werden geheiſſen die end der boßheyt. vnnd ein volck dē da iſt erzuͦrnet d̓ herr in ewig Vn̄ ewer augē werdē ſehen. vn̄ ir werdet ſprechē. d̓ herr werd gegroͤſt uͤber das end iſrahel Der ſun eret dē vatter vn̄ d̓ knecht ſeinē herren Darūb bin ich d̓ vater. wo iſt meyn ere. vnd ob ich bin d̓ herr d̓ heer. wo iſt mein vorcht ſpricht d̓ herr d̓ heer Zuͦ euch. o ir pri ſter. die ir verſchmeht meinen namē vnd ir ſpracht. Warin̄ habē wir ver ſchmeht deinē namē Ir opffert auff meinē altar ein vermayligtes brot. vn̄ ir ſprechet Warin̄ habē wir dich vermaliget. In dem das ir ſprecht. der tiſch des herren iſt verſchmehet. Ob ir opffert ein blindes zuopffern iſt es nit boͤß. vnnd ob ir opffert eyn hinckendes vnnd ein ſiches. iſt es nit boͤß Opffert das deynen hertzogē/ ob es im geuall vnnd ob er werd empfa­hen dein ant litz ſpricht der herre der heer/ vn̄ nun bittet ir das antlitz deſ herrē das er ſich erbarm ewrer/ wann vō ewer hand iſt das geſchehen/ vnd wie ſol er aufnemen ewer antlitz ſp­richt der herr der heer Wer iſt vnder euch der do beſchleuſt dy tuͤr/ vn̄ zuͦn det an meinen altar danckberlich­Es iſt mir nit der will in euch/ ſpri­cht der herr der heer/ vn̄ ich. wird nit empfahen die gab von ewer hand­Wann von dem aufgang d̓ ſunnē vntz zuͦ dē vndergang/ iſt groß mein nam in den voͤlckern vnd in eyner iegklichen ſtat wirt geheyliget vnnd geopffert meinē namē dz rein opffer wan̄ groß iſt mein nam in dē voͤlck­ern/ ſpricht der herr d̓ heer Vn̄ ir ha­bet inn vermayliget/ in dem/ das ir ſprecht/ der tiſch des herrē iſt vermay Fij