Transkription / 2 [474

malachie. Die Veiſſagung liget. vnd das dar auff wirt geleget das iſt verſchmehlich mit dem fewer das das verzerat. Vn̄ ir ſpracht. ſih. von der arbeyt. vnd ir habt das auß geblaſen ſpricht der herr der heer Vn̄ ir habt eingetragen von den reuben das hinckend. vnd das ſiech. vnd ir habt eingetragen die gab Wird ich denn nit das empfahē von ewer hād ſpricht der herre. verfluchet iſt der betrieglich. der da hat inn ſeiner herde ein menlichs. vn̄ er thut ein geluͤbd vnd opffert das kranck dem herren. Wann ich bin ein groſſer kunig ſpricht der herr der heer. vn̄ meyn nam iſt erſchroͤckenlich in den voͤlckern. Das IIII. Capit. wye die regenten vnd oͤbern vmb ires boͤ ſen regiments willen. irer vndertanen geſtraffet wurden. Nd nun zu eü ch diß gebot o prieſter Ob ir nicht woͤllet hoͤren. vn̄ ob ir nit woͤllet legē auff ewer hertz das ir gebt die glori meynem namē ſpricht der herr der heer. ich wird ſenden in euch durfftigkeyt. vnnd wird fluchen ewern geſegnungen. vn̄ ich wird in fluchen. wann ir habt es nit geleget auff dz hertz. Seht. ich wird werffen von euch den arm. vn̄ wird ſtrewen auff euch den miſt. ewrer her lichen fewer. Vnd wirt euch aufnemen mit in Vnd ir werdet wiſſen. dz ich hab geſant zuͦ euch ditz gebot. dz es wer mein geding mit leui. ſpricht der herr der heer Mein geding iſt ge weſt mit im des lebens vnd des frydes. vnd ich gab im die vorcht. vnd er hat mich gefurcht. vnd von dem antlitz meines namē iſt er erſchrocken Die ee der warheit was in ſeynes mund. vnnd die boßheyt was nicht gefunden in ſeinē lebßen In dē fryd vnd in geleicheyt hat er gewandelt mit mir. vn̄ hat māigē abgekert vō der boßheyt wan̄ die lebßen des pryſters behuͤtten die wiſſenheyt. vnnd ſie werden vordern die ee auß ſeinem mund. wann er iſt ein engel des her ren der heer. Aber ir ſeit gewichē vō dem weg vnd habt manig geergert in der ee. Ir habt gemacht eytel dz geluͤbd leui. ſpricht der herr der her. Darumb hab ich euch gegeben verſchmehlich. vn̄ demuͤtig allen voͤlck ern. als ir nicht habt behalten mein weg. vnd habt genumē das antlitz in der ee Iſt denn nicht ein vater eü wer aller. hat euch den nicht ein got beſchaffen. Darumb. warumb verſchmehet vnſer yegklicher ſeinē bruͦder zerbrechēd das geluͤbd vnſer veter Iuda hat uͤbergange. vnnd auch die vnmenſchlicheyt iſt gemachet in iſrahel. vnd in iheruſalem. wann iu da hat vermayliget die heyligmach nng des herrē. die er hat liebgehabt vnd ſie haben gehabt die tochter des frembden gots. der herre zerſtoͤr den mann der diſe thut dem meyſter. vn̄ dem iunger von dem gezeldt iacob vnd den opfferenden die gab dē herren der heer. vnd diſes habt ir anderweyd gethan. Ir habt bedecket dē al tar des herren mit dē zehern. mit wey nen. vnnd mit ſeufftzen. alſo das ich furbas nit wird ſehen zuͦ dem opffer noch wird nemē etwas gefelligs vō ewrer hand. vnd ir ſpracht vmb wz vrſach willen Wann der herr hat be tze wgt tzwiſchen dir. vnd dem weyb vnd diſe dein mitteylhaftige. vnnd deiner iugēt. die du haſt verſchmeht