Transkription / 2 [476

Die Veiſſagung malachie. ſchnoͤd. der do got dienet. Vnd was iſt der nutz das wir haben behuttet ſeine gebot. vnd das wir haben gewandert trawrig vor dem herren d̓ ſcharen Darūb heyſſen wir nun dye hohmuͤtigen ſelig. ya fuͤrwar dye do thun die vngütigkeyt. die ſeyn gebawen. vnd habē got verſüchet. vn̄ ſein heilwertig worden. den̄ habē geredt die foͤrchtenden gott. ein iegklich er mit ſeim nehſten. Vnnd der herr hat auffgemerckt vnd gehoͤrt vn̄ iſt geſchryben das buch der gedechtnuͦß vor im den foͤrchtenden got. vn̄ den gedenckenden ſeines namens. Vnd ſie werden mir. ſpricht der herr der he er in dem tag in dem ich ſie wird ma chen in beſunder aygne. vnd wird ir ſchonen als der man wirt uͤberſehen ſeim ſun der im dienet. Vnd ir werdet bekeret. vnd werdet ſehen wz do ſey zwiſchen dem gerechten. vnd dem vnguͤtigen vnd zwiſchen dē dy nenden gott. vnnd zwiſchen dem. im nit dienenden. Das IIIIIIII capit. Wie die gerechten belonet. vnd die boͤſen verdamnet ſollen werden Vnd wie die iuden vor dem letzten vrteyl bekeret werden follen. Ann ſeht der tag wirt kumē angezuͦndet als der offen. vnnd es werden all hohfertig vnnd alle die do thun die vnguͤtigkeyt ein agen. Vn̄ ſie wirt anzunden der kumend tag ſpricht d̓ herr d̓ heer d̓ in nit wirt laſſen die wurtzel. vnd die frucht. Vnd euch foͤrchtenden meinen namē wirt aufgeen die ſunn der gerechtigkeyt. vnd die geſuntheyt in ſeinen federn Vnnd ir werdet außgeen. vnnd werdet ſpringen als eyn kalb vonn der herde. vnnd ir werdt tretten dye vnguͤtigen. ſo ſie werden aſch vnd ewern füſſen in dē tag in dē ich wird thun ſpricht der herr der her. Seyt gedechtig der ee moyſi meynes knechts. die ich im hab gebotten in oreb zuͦ allem iſrahel. die gebot vnd dye gericht. Seht. ich wird euch ſenden heliam dē weyſſagen. ee den̄ do kum der groß tag des hereen. vnd der erſchrockenlich. vnd er wirt bekeren dz hertz der vetter zuͦ den ſuͤnen. vnd dz hertz der ſun zuͦ iren vettern. das ich villeicht nicht kumm. vn̄ ſchlah die erd mit der verdamnuß. Ein end hat das buch des propheten malachie vn̄ vahet an die vorred ſandt iheronimi uͤber die bucher machabeorum. ge c ſe zwey buͦcher machabeorum. das iſt dy bu cher d̓ ſtreytter berurē vns die ſtreit die do ſeind geſchehen vnder den fuͤrern der hebreyſchen. vnd vnder den heyden der von perſis. yedoch iſt zewiſſen das das ander buͦch der ſtreyt ter iſt ein ſendbrieff. den geſendt hat iudas machabeus. vnd die eliſten d̓ inden mit im zuͦ iheruſalem. dē and̓n iudē die da vmbundumb zerſtrewet waren in den landen gegen der ſunnen auffgang. vnd dye ſelbē buͦcher ſprechen auß den ſtreit der iuͦden. der geſchehen iſt am ſabath. vnd auch d̓ edeln hertzogen dye do heyſſen dye machabey. vnd beſunder iude mach abey wie der überwunden hatt. auß