Seite
Euangelium Das vnd gab in ſagend. Trincket alle auß im. wann ditz iſt mein blut des newen geſatzs das do wirt vergoſ­ſen fu̇r vil menſchen iu dy vergebūg der ſunden. wann ich ſag euch. Ich trinck nun nit furan von diſem ge­ſchlecht der reben. vntz an den tag. So ich new trinck mit euch in dem reych meines vaters Vnd do er hett geſagt das lob. ſie giengen auß an den oͤlberg. Da ſprach iheſus zuͦ in. all werdet ir leydē ſchand in mir in diſer nacht. wann es iſt. geſchriben. ich ſchlah den hirten. vnd die ſchaff der herd werde zerſtrewet. ſo ich aber wider erſtes. ſo wil ich euch vorgeen in galilea Vnd petrus antwurt vn̄ ſprach zuͦ im. Vnnd ob ſie all werden geſchendet an dir. ich wirde nymer geſchendt Iheſus ſprach zuͦ im. wer­lich ſage ich dir. das in der nacht. ee das der han ſinget. zuͦ dreyen mallen wirdeſt du mein verlaugen Petrus ſprach zuͦ im. vnnd ſoll ich mit dir ſterben. ich verlaugen dein nit. vnd zegeleycherweyß ſprachen alle iung ern. Da kam iheſus mit in inn das dorff das do iſt geheyſſen gethſema ni. vnnd ſprach zuͦ ſeinen iungern. Sytzt hie vntz das ich hingee vnnd bete. Vnd er nam petrum vnnd dye zwen ſuͦn zebedei. er begund zetraw/ ren vnd leydig ſeyn. vnd ſprach zuͦ in Mein ſel iſt betruͤbet biß inn den todt Enthalt euch hie vnnd wacht mit mir. er fuͤrgieng ein wenig vnnd fiel nyder auff ſein antlitz betendt vnd ſagend. Meyn vater. ob es iſt muͤglich ſo gee von mir diſer kelch. yedoch nit als ich wil. ſunder als du Vnd er kam zuͦ ſeinen iungern vnd fand ſie ſchlaffend. vnd ſprach zuͦ pe trum alſo Mocht ir nit wachen mit mir ein ſtuͤnd Wacht vnnd betet das ir icht geet in verſuchung. der geyſt iſt ſchnell aber der leyb kranck. Er gieng hin zuͦm andern mal. vnd be­tet aber ſagend. Mein vatter ob der kelch nit moͤg uͤbergeen. nur alleyn das ich in trinck. deyn will werde. Vnd er kam aber. vnnd fand ſie ſch­laffend. wann ir augen warn beſch­weret. Er ließ ſie. vnnd gieng aber. vnd bettet zuͦ dem dritten mal das ſelb wort ſagend. Da kam er zuͦ ſey­nen iungern vnd ſprach zuͦ in Sch­laffet yetzunt. vnnd rwet. ſeht. dye ſtund nahet vnd der ſun des men­ſchē wirt geantwurt in die hēd d̓ ſun der. Steet auff. wir ſollen geen. See het er nahnet der mich verret. Noch da er redt. Seht iudas eyner von dē zwelffen kam. vnd vil ſchar mit im mit waffen. vnd mit ſtecken. geſen/ det von den fuͤrſten der prieſter. vnd von den alten des volcks. vnnd der in dargab. der gab in ein zeychen ſa gend. Welchen ich kuſſe. der iſt es. halt in. vnd zehandt nahnet er ſich zuͦ iheſu. vnnd ſprach zuͦ im. Biß ge­gruͤſſet meyſter. vnd er kuſſet in. Vn̄ iheſus ſprach zuͦ im Freund war zuͦ biſt du kummen. Da nahneten ſye ſich. vnd legten die hend an iheſum vnd hielten in. Vnd ſeht eyner vō den die da warn bey iheſu. ſtrackt dy hand. vnd zoh auß ſein waffen. vnd ſchluͦg den knecht des fürſten der pri ſter vnd hawet im ab ſein ore. Da ſprach iheſus zuͦ im. Rer dein waffen in ſein ſtat. wann all die da nemen das waffen die verderben mit dem waffen. Oder wenſtu nit. das ich moͤ cht bitten meinen vater. vnd er geb mir mer denn zwelf ſchar der engel In welcher weyß wurden die geſch­