Transkription / 2 [599

Bancii mathel go rifft erfuͤlt. Wann es muß alſo werden gethan. Zuͦ der ſtund ſprach iheſus zuͦ der ſchar. Als zuͦ einem ſchacher ſeyt ir außgangen mit ſchwertē vnnd ſtecken mich zefahen. Teglich ſaß ich bey euch lerend in dē tempel. vn̄ ir hieltet mich nit Aber ditz wirt alles gethan. das die geſchryffte der weyſſagen wurd erfuͤlt. Da lieſſen in alle iungern. vnnd fluhen. Sie hielten iheſum vnnd furten in zuͦ cay phas dem fürſten der prieſter da dy ſchreyber vnd die alten warn geſamelt. Aber petrus nachuolget im von verr. vntz in den hof des furſten der prieſter. Er gieng ein vnnd ſaß mit den dienern. das er ſehe das ende. Aber die furſten der prieſter vnd aller rat ſuchten falſche gezewgnuß wider iheſum das ſie in antwurten dem tod. da manig valſch gezewgē waren genahnet. Sie funden nicht Aber zeiungſt kamen zwen valſch gezewgen vnnd ſprachen. Der hat geſprochen. Ich mag zerbrechen den tempel gottes. vnd in wider bawen nach dreyen tagen. Der furſt der pri ſter ſtund auff. vn̄ ſprach zuͦ im Ant wurtſt du nit zu den dingen die diſe bezewgen wider dich. vnd iheſus ſch. wyg. Vnnd der fuͤrſt der prieſter ſprach zu im Ich beſchwer dich by got dem lebendigen das du dns ſageſt ob du biſt chriſtus der ſun gotz. Iheſus ſprach zuͦ im. du haſt es geſprochen. Iedoch ſag ich euch. ir werdet noch fuͦran ſehen ſitzen den ſun des menſchen zuͦ der gerechten der krafft gottes. vnd kumen in den wolcken des hymels. Da ryß der fuͤrſt der pri ſter ſein gewand ſagen. Er hat got geleſtert. wz bedurffen wir noch der gezewgē. Seht nun habt ir gehoͤret dye gotzleſterung was iſt euch geſehen Sye antwurten vnnd ſprachen zuͦ im. Er iſt ſchuldig des todes. Da ſpuͦrtzten ſie im vnder ſein antlitz. vnnd ſchluͦgen in mit halßſchlegen vnd die andern gaben backenſchleg in ſein antlitz ſagend. Weyſſag vnſ chriſte. wer iſt der. der dich hat geſch lagen. Vnd petrus ſaß außwendig im hof. vnd ein diern genahet ſich zuͦ im. ſagend. Vnd du wareſt auch by iheſu von galilea. vnnd er laugend vor in allen. ſagend. Ich weyß nitt was du ſagſt. Vnd da er außgieng zuͦ der thur. eyn andre dyern ſah in. vnd ſprach zuͦ den die da waren. vnd diſer was mit iheſu von nazaret. vn̄ aber laugnet er mit dem ayd. ſagēd. Ich hab nie erkennet den menſchen Vnd nach einer kleynen zeyt gingē hinzu die da ſtunden vnd ſprachen zuͦ petro Werlich vnnd du biſt auß in. wann dein red macht dich offenbar Da begund er zebezewgen vnd zuͦ ſchweren das er nit hett erkant dē menſchen. vnnd zuͦhandt ſang der han Vnd petrus gedacht des wortſ iheſu. das er het geſagt. ee das d̓ han ſingt zuͦ dri en mallen verlaugeeſt du meyn. er gieng auß vnnd weynet bitt terlichen Das.VII. Capi. Darinn beſchreibet matheus füran den paſſion. biß zuͦ ende. Nd da es mor gen ward. alle fuͤrſten d̓ prieſter vnd dye alten der volcks machten einen rat wider ieO j