Transkription / 2 [600

Euangelium Das ſum. das ſie in antwurten dem tod Vnnd ſie furten in gebunden vnd antwurten in poncio pilato dē rich ter. Da iudas ſah der in verriet das er was verdampt. er ward gefüret mit buß. vnd widerbracht die dreyſſig ſilbrin pfenning den fürſten der prieſter vnd den alten ſagend. Ich hab geſundet. dann ich hab dargebē das gerecht bluͦt. vnnd ſie ſprachen. Du geſihſt es. Er warff die ſilberin pfenning in den tempel. vnd ſchyd ſich. vnd gienghin vnd hing ſich an einen ſtrick. Vnd die fuͤrſten der pry ſter namen die ſilberin pfenning vn̄ ſprachen. Sye gezymmen nit zulegen zuͦ dem ſchatz. wann es iſt d̓ lon des bluts. vnd giengen ein in eynen rat. vn̄ kaufften vmb ſie einen acker des haffners zuͦ einer begrebnuͦß der pilgram. Darumb diſer acker iſt geheiſſen acheldemach. das iſt der acker des bluts. vntz an diſen heütigē tag da ward erfuͤlt das geſaget iſt durch iheremiam den weiſſagen. ſagend. Vnd ſie namen die dreyſſig ſilberin pfenning. vnd haben vergolten den lon dē ſie gekaufft habē vō den ſunē iſrahel. vnnd gaben ſie an den acker des haffners. als mir hat geſetzt der herr Vnd iheſus ſtund vor dem richter. vnd der richter fragt in. ſagend Biſtu ein künig der iuden. Iheſus ſprach zuͦ im du ſagſt es. Vnd da er ward verklaget von den fuͤrſten der prieſter. vnnd von den alten. er antwurtet in nit Da ſprach pilatus zuͦ im. Hoͤrſtu nit wie manig gezewg/ nuß dieſe ſagen wider dich. vnnd er antwurt im nit zuͦ eim wort alſo dz ſich d̓ richter hart verwundert. Aber der richter het ein gewonheyt. durch den hohtzeyttlichen tag zelaſſen dem volck eynen gefangen welchen ſye wolten. Vnd er het zuͦ der zeyt einen mercklichen geſangē. der hieß barrabas. vnd als ſie waren geſamelt da ſprach pilatus. Welchen wolt ir dē ich euß laß. Barraban oder iheſum der da heyſt chriſtus. wann er weſt das ſie in hetten geantwurt von nei des wegen Vnd da er ſaß an dem gericht. ſein weyb ſand zuͦ im ſagend. Nicht ſey dir. vnnd dem gerechten. wann hewt hab ich vil erlitten durch geſiht vmb in. Aber die fürſten der prieſter. vnnd die alten vnderweiſten das volck. das ſie hieſchen barraban. vnd iheſum verluren. Der ri chter antwurt. vn̄ ſprach zuͦ in Welchen wolt ir von den zweien euch zelaſſen. vnnd ſie ſprachen barraban. Pilatus ſprach zuͦ in. wz thu ich vō ihe ſu der da heyſt chriſtus. ſye ſprach en all. Er werd gekreutziget. Der richter ſprach zuͦ in was übels hatter gethan Sie ſchrihen mer ſagend Er werd gekreutziget. Vnd da pilatus ſah. das er nichts guͦts moͤcht ſchaf fen. aber dz geſchrey merer ward er nam waſſer vn̄ zwug ſein hend vor dē volck. ſagend Vnſchuldig bin ich von dem blut des gerechten. ir werdet es ſehen. Alles volck antwurt vnd ſprach. Seyn bluͦt ſey auff vns vnnd auff vnſerſuͤn. Da ließ er in bar rabā. vnd iheſum antwurt er in gegeyſelt. dz er wuͤrd gekreutziget. Da namen dye ritter des richters iheſuꝫ in das rechthauß. ſie ſamelten zuͦ in alle geſelſchafft. Sye zugen in auß. vnd vmbgaben in mit eynem rottē mantel. vnnd flachten eyn kron von dorne. vn̄ ſatztē die auff ſeyn haubt vnnd ein ror in ſeiner gerechten. vn̄ fieln auff die knye vor im. vnd ſpot