Transkription / 2 [601

mathei Bancti CVII. ten ſein ſagend Biß gegruͤſſet kunig der iuͦden. vnnd ſpeuten auß inn in vnnd namen das ror. vnd ſchluͦgen ſein haubt. Vnnd darnach da ſie in hetten verſpottet. ſie zügen im auß den mantel vnnd bekleyten in mit ſeynen gewanden. vnnd fuͦrten in auß das er wurd gekreutziget. Vnd da ſie außgiengen ſie funden eynen man eyre neer mit namen ſymon. Dyſen benoͤten ſie. das er nem ſeyn kreutz. vnnd ſie kamen ann die ſtatt die da iſt geheyſſen golgatha. das iſt ein ſtatt der übeltheter. vnnd gaben im wein zetrincken gemiſchet mit gallen. vnnd da er hett verſuͦchet er wolt nitt trincken. Vnnd darnach da ſie in hetten gekreutziget. ſye teylten im ſein gewand. vnd legten das loß. das erfuͤllt wuͤrde das geſaget iſt durch den weiſſagē. ſagend. Sie teylten ine meine gewannd. vnnd. uͤber meyne gewand legten ſye das loß. vnd ſitzend behuͤtten ſye in. vn̄ ſatzten auf ſein haubt ſein ſelbs ſach geſchryben diſer iſt eyn kuͤnig der iuͤ den. Da wurden gekreutziget zwen ſchacher mit im. einer zuͦ der gerechten. vnd einer zuͦ der lincken. wann die da fuͤrgiengen die ſpotten ſeyn. ſye bewegten ir haubt. vnd ſprachē. Vach der du zerbrichſt den tempel gots. vnd widerbaweſt in nach drer tagē. Mach dich ſelber behalten. ob du biſt der ſun gottes ſteyg ab von dem kreutz. Vnnd zegeleycherweyß dye fuͤrſten der pryſter ſpotten ſeyn mit den ſchreybern. vnnd mit den alten. vnd ſprachen. Die andern hatt er heylſam gemacht. ſich ſelber mag er nit heylſam machen. Ob er iſt ein künig iſrahel. nun ſteyg er von dem kreutz. vnd wir gelauben im. er getrawet in gott. nun erloͤß er in. ob er will Wann er ſprach. ich bin der ſun gottes. vnd das ſelb auch die ſchacher. die mit im kreutziget waren leſter ten inne. Vnnd von der ſechſten ſtūd wurden vinſter gemacht auff aller erde. vntz zuͦ der neunden ſtund. vn̄ vmb die newnden ſtund iheſus ruft mit eyner groſſen ſtymm. ſagend. Hely. Hely. lamazabatani. Das iſt. Mein got. Mein gott. warnmb haſtu mich verlaſſen. vnnd et lich die da ſtunden hoͤrten es. vnnd ſprachen. Diſer ruͦfft heliam. vnnd zuͦ hand lieff einer von in. vnd nam einen ſchwam. vnnd fuͤlt in mit eſſig vnnd ſatze in auff ein ror. vnd gab im zetrincken. aber die andern ſpra chen. Hoͤr. wir woͤllen ſehen ob helyas kumm in zuͦ erloͤſen. Vnd iheſus ſchrey aber mit einer groſſen ſtymm vnnd ließ auß den geyſt. vnnd ſeht der vmbhang des tempels ryß ſich in zwey teyl von oben vntz nyden. Vnnd die erd ward beweget. vnnd die ſteyn ſpielten ſich. vnnd die greber thetten ſich auff. vnd manig leib der heyligen die da heten geſchlaffen ſtunden auff. vnd gingen auß von den grebern. vnnd nach ſeyner vrſtend kamen ſye in die heyligen ſtat vnnd erſchinen mannigen. Vnnd da centurio. vnnd die da mit im wa ren die da behuten iheſum ſahen dy erdbidmūg. vn̄ die ding. die da wur den gethan. ſie forchten ſich hart ſagend Werlich der was der ſun gottes. Es waren auch da vil weyb. die iheſum hetten nachgeuolget vonn verr von galilea. vnd dienten im. Vnder den was maria magdalena. vnnd maria iacobi. vnnd die mutter ioſeph. vnnd die muter der ſun ze O iij