Seite
Euangelium Das ter vnd mein bruder. Wann der da thut den willen gots. diſer iſt mein bruder vnd mein ſchweſter vn̄ mein mutter. Das IIIIIIIIII. capitel vō dem der guͦtten ſamen ſeet. Vnd dz die lucern nit zuͦuerbergen ſey. Vō dem ſamē der voͤllige fruͤcht bringt Von dem ſenffkoͤrnlein. vnnd von der vngeſtuͦme des meers die der herr ſtillet. Nnd fieng an zelernen bey dez meer vn̄ vil ſcharen ſamelten ſich zuͦ im alſo das er aufftig in ein ſchif vnd ſaß auff dem meer. vnnd alles volck was auff dem land bey dem meer. vnd er lert ſie manig ding inn geleichnuß. vnnd ſprach zuͦ ine inn ſeyner lere. Hoͤrt. ſeht. der da ſeet. der iſt außgegangen zeſeen. Vnnd da er ſeet. der eyn viel bey dem weg. vn̄ die voͤgel des hymels kamen vnnd aſſen in. vnnd der ander viel auff das ſteynig da er nit hett vil erd. vn̄ zuͦhand gieng er auff. wann er hett die hoͤh der erd nit. vnd da die ſunn was auffgegangen ſye erhitzet in. darumb das er nit hett die wurtzeln vnnd dorret. vnd der ander fiel vnd̓ die doͤrn. vnnd die doͤrn giengenauff vnd erſteckten in. vnnd er gab nicht fruͦcht. vnd der ander fiel in die guͦt ten erd vnd er gab auffgeend vnnd wachſend fruͤcht. vnnd einer bracht dreyſſigfeltig fruͦcht. vnd einer ſech­tzigfeltig fruͤcht. vnd einer hundert/ feltig fruͤcht Vn̄ ſprach. der orn hab zehoͤren der hoͤr. Vn̄ da er was ſund̓ bar. die. xxij. die mit im warn fragten in die geleichnuß. Vnd er ſprach zuͦ in Euch iſt gegeben zuͦ erkennen dye heymlichkeyt des reychs gottes. aber den. die do ſeind außwendig. werden all ding in geleichnuß. das die geſe­henden ſehen. vn̄ geſehen nit/ vnd dy hoͤrenden hoͤrn. vnnd vernemē nit. dz ſienit werden ettwan bekert. vnd in werd vergeben die ſuͤnde. vnd er ſp­rach zuͦ in. Wiſſt ir nit diſe geleich­nuß. In welcherweiß erkennet dan̄ ir alle geleichnuß. Der da ſeet. der ſe­et das wort. vnnd diſe ſeind da das wort wirt geſeet bey dem weg. vnd ſo ſie hoͤrn zuͦhand kuͦmpt ſathanas vnnd nimpt hin das wort das do iſt geſeet in irem hertzen. vnd zegeleich erweiß ſeind diſe die da werden geſe­et auff das ſteynig. ſo ſie hoͤren das wort zehād empfahē ſie es mit fren den. vnd ſie haben nit die wurtzeln in in wan ſie ſeind vnſteet. darnach ſo die truͤbſal vn̄ dy anfechtūg ange et zehand werden ſie betruͤbet vmb das wort. vnnd die andern ſeynd dy da werden geſeet vnnd die dorn. Das ſeind die da hoͤren das wort. vnd vō dem gebreſten d̓ welt. vnnd die trig lichkeyt der reichtūb. vn̄ vmb die an dern geitigkeyt geen ſie ein vn̄ erſte cken das wort. vn̄ es wirt on frucht vn̄ diß die da werdē geſeet auff dye guͦtten erd. das ſeind die da hoͤrē das wort. vn̄ es empfahen. vnd bringen fruͦcht. einer dreiſſigfeltig. einer ſech­tzigfeltig. einer hundertfeltig. Vnd ſprach zuͦ in. Rumpt den̄ die lucern das ſie werd geſetzt vnd dz meß. oder vnd dz bet. wirt es den̄ nit geſetzt alſ auff den leuchter. wan̄ nichts iſt ver borgen das da nitt wirdt geoffenba ret. noch das werck iſt heymlich. daſ nitt kumme ynn offenbarunge. Der orn hab zehoͤren der hoͤr. vnnd