Transkription / 2 [609

marci Bancti ſſe. ließ ſie nit reden. wann ſie weſten in vnd garfrü ſtund er auff. Vn̄ ging auß vnd gieng hin in ein wuſte ſtat vnd bettet da. vnd ſymon nachuol get im. vnnd die. die mit im waren. vnnd da ſie in hetten funden. ſie ſprachen zuͦ im. Wann all ſuͦchen ſye dich. vnnd er ſprach zuͦ in. Wir woͤl len geen in die nehſten doͤrffer. vnd ſtet. das ich auch da predige. wann zuͦ dieſem bin ich kumen. vnd er wz predigend in iren ſynagogen. vnd in allem galilea. vnnd warff auß dy teufel. vnd ein auſſetziger kam zuͦ im der bat in. vnd mit gebogen kni en ſprach er. Wiltu. Du magſt mich geſund machen. vnnd iheſus erbarmet ſich. ſein. er ſtrackt ſein hannd. vnd ruͦfft im ſagend zuͦ im. Ich wil das du gereiniget ſeyeſt. Da er ditz hett geſaget. zehand ſchyde ſich der auſſatz von im. vnd ward gereyniget. Vnd er drott im. vnnd zehand warff er in auß. vn̄ ſprach zuͦ im Sih das du es nyemant ſagſt. Aber zeug dich dem fuͤrſten der prieſter. vnnd opffer üb dein reynigūg. die ding dy moyſes gebott in zuͦ eim gezeugniß er ging auß vnnd fieng an zepredigē vnd zuͦuermeren das wort. alſo daz er yetzunt nit mocht eingeen offen/ lich in die ſtat. aber er beleib hieauſſen in den wuͤſten ſtetten vnd allent halben ſamelten ſie ſich zuͦ im. Das IIII. Capit. Vye Iheſus einen gichtbruͦchigen menſchen geſund machet. Matheum beruffet mit den offēbarn ſundern aſſee. Vnnd die iuden darumb murmelten vnd iheſus ine dz verantwurt. d nach acht tagen gieng er aber eyn gein capharnaum. vnnd do es ward gehoͤrt. das er was in ey nem hauß. vil kamen zuͦ im alſo daſ ſie nit mochten begreyſſen dz hawß noch zuͦ der tuͦr. vnnd er redt zuͦ in dz wort. Sie kamen vnnd brachten zuͦ im eynen gicht bruchigē der da ward getragen von vieren. vnd da ſye in nicht mochten bringen zuͦ im vor d̓ ſchar. ſye entbloͤßten das dach. da er was. vnd machten es offen vnd lieſ ſen herab das bet inn dem der gichtbruͦchig lage. Vnd da iheſus het ge ſehen iren glauben. er ſprach zuͦ dem gicht bruͤchtigen Sun dein ſund wer den dir vergeben. vnnd da waren ettlich ſitzend vonn den ſchreybern. die gedachten in irem hertzen. War umb redt der alſo. er leſtert got. wer mag vergeben die ſuͤnd. nur alleyn got. Zehand da das iheſus erkant in ſeym geyſt. das ſye alſo gedachten inn in. er ſprach zuͦ in. Was gedenck et ir dieſſe ding inn euweren hertzen wann was iſt leychter zeſagen zuͦ dē gihtbruͤchtigen. dein ſund werdē dir vergeben. oder zeſagen. ſtecauff. hebauff dein bett. vnnd gee Aber das ir wiſt. das der ſun des menſchen hatt gewalt zuͦuergeben dye ſunde auff der erde. er ſprach zuͦ dem gihtbrucht geen. Ich ſag dir. ſteeauff. vnnd heb auf deyn bett. vnnd gee inn deyn hawß. vnnd zehannd ſtund er auff er hub auff das bett. vnnd gienng ab vor allen lewten alſo das ſyeſich wunderten vnnd erten got ſagend.