Seite
Bancti marci ſche. ſprach zuͦ in. Sehet wz ir hoͤret Mit dem maß ir meſſet wirt ewch wider gemeſſen. vnd euch wirt zuͦgeleget. wann der da hat. dem wirt gegeben vnd der da nicht hat. auch dz er hatt das wirt abgenumen von im Vnd ſprach. Alſo iſt dz reych gottes. Als ob ein mann wuͤrfft den ſamen auff die erd. vnnd er ſchlefft. vnd er ſteet auff tags vnd nachts. vnd der ſa­men gruͤnet vnnd wechßt. ſo er ſein nicht weiſt. Wann die erde bringet merer frucht. Zuͦm erſten mal eynn kraut darnach das eher. darnach ein volles treid in dem eher. Vnd ſo es fuͤrbringt die frücht. zehand leget er die ſicheln. wann der ſchnit iſt gegen wuͤrtig vnd ſprach. Wem geleychen wir zuͦ das reich gotts. oder welcher geleichnuß geleichen wir dz zuͦ. Als ein korn des ſenfs. vnnd ſo es wirt geſehet in dy erd. es iſt mynder allen ſamen. die da ſeind auff der erde. vn̄ ſo es auffgeet. es ſteygt auff zuͦ eynē baum. vnd wirt mer den alle krew­ter. vnd macht groß eßt. alſo das dy voͤgel des hymels moͤgen wonē vn der ſeim ſchatten Vnd mit ſoͤllichen manigen geleichnußen redet er zuͦ in das wort. als ſie es mochten gehoͤrē wann. on geleichnuß redet er nit zuͦ in. Aber ſunderbar ſeinen iungern leget er auß alle ding. Er ſprach zuͦ in an dez tag. da der abēt ward. Wir geen hinwider. vnd verlaſſende die ſchare. namen ſie in. alſo das er was in dem ſchiffe. vnnd ander ſchiff wa ren mit in. vnd ein groß vngewitter des windes ward gemacht. vnnd dy wellen ſchluͦgen in das ſchiff. alſo dz das ſchiff ward erfuͤllet. vnd er ſelb was ſchlaffen in dem oͤbernteyl des ſchiffes. vnnd. ſie weckten in vnd ſp­rachen̄ zu im. Meyſter gehoͤrt es nit zuͦ dir das wir verderben. Er ſtund auff vnd drot dez winde. vnd ſprach zuͦ dem mere. Sweyg. erſtumme. vnd der wind hoͤrt auff. vnnd eyn groſ­ſe ſtyll ward gemacht. vnd er ſprach zuͦ in. Was ſeit ir vorchtſam. habt ir noch nit eynen glauben. vnnd ſye vorchten ſich mit groſſer vorcht vn̄ ſprachen zuͦ einander. Wer wenſtu das der ſey. wann auch das meer. vn̄ der wind ſein im gehorſam. Das.V. Capit. Wye iheſus einen beſeſſen menſchen erledi get. vnnd den tewfel in dy ſchweyn zefarn erlaubet. Vnnd eins fuͤrſten tochter vom tod erwecket Vnd eyn frawen von irer kranckheyt geſund machet. ſo ſie lamen uͤber das meer inn die ge­gent der geraſener. Vnd da ſie giengen auß von dem ſchiff ze hand begegent im ein mann vonn den grebern mit dem vnreinen geiſt der da het ein wonung in den gre­bern. vnd keiner mocht in yetz gebin den mit ketten. Wann offt was er gebunden mit ketten vnd mit fuͦßey ſen. er hett zerbrochen die ketten. vnd hett zerkniſchet die fußeyſſen. vnnd keyner moch in gezemen. vnnd zeal len zeyteen tags vnd nachts was er in den grebern vnnd in den bergen ſchreyend. vnd ſchlug ſich mit ſtey­nen vnd da er ſah iheſum von verr er lieff vnnd anbettet in. vnnd ſchrey mit groſſer ſtymm vnnd ſprach zuͦ im. Iheſu du ſun gotz des hoͤchſten. was dinngs iſt mir vnnd dir. Ich beſchwere dich bey gott. das du