Transkription / 2 [629

Bancti Marci crr. pel. vnd ir hielt mich nit. aber das al ſo die geſchrifft werdē erfült. Do lieſ ſen in alle iunger vnd fluhen. Aber ein iungling nachuolgt im bekleydet mit ſyndon vber dē bloſſen leib vnd ſie hieltē in. er ließ dē ſyndon vn̄ empfloch nackend von in. Vnnd ſy fuͦrten iheſum zu dem oͤberſten prieſter. vnd alle prieſter vnd ſchreyber. vnd die alten kamen zuſamen. vnd petrus nachuolget im vō verr vntz in vendig in den hoff des oͤberſtē prie ſters. vnd ſaß bey den dienern zu dez fewr vnd wermt ſich. Wan̄ die oͤber ſten prieſter. vnnd aller rate ſuͦchten zeugknuß wider iheſum dz ſy in antwurten zu dem tod. vnnd fundē nit. Aber vil ſagten valſche zeugknuß wider in. vnd die zeugknuß waren nit zymlich. vnd etlich ſtunden auf vnd brachten valſche zeugknuß wider in ſagend. wir hoͤrten in ſagend Ich wil auffloͤſſen diſen tempel. gemacht mit der hand. vnd wider bawen in nach dryen tagen einen andern nit gemacht mit der hand. vnd ir gezeugknuß was nit zymlich. vn̄ der oͤberſt prieſter ſtunnd auff in dy mitte. vn̄ fragt iheſum. ſagend. Ant wurſt du kein ding zu diſen dingen. die dir werdē für geworffen vō diſen Er ſchweig vn̄ antwurt uit. Ander weid fragt in der oͤberſt prieſter. vnd ſprach zuͦ im. Biſtu criſtus der ſun gots des geſegenten. Iheſus ſprach zu im. Ich bin es. vnd ir werd ſehen den ſun des menſchen ſitzend zu der gerechten der krefft gots. vn̄ kumēd in den wolcken des hymels. Vn̄ der oͤberſt prieſter zerriß ſein gewand vn̄ ſprach. was begeren wir noch gezeugen. Ir habt gehoͤrt dy gotzleſterūg was iſt euch geſehen. Sie verdampten in all das er wer ſchuldig des todes. vnd ſye begunden in zuuerſpurtzen vn̄ zebedecken ſein antlitz. vnd in zeſchlagen mit halſſchlegen. vnd ſagten zu im. weyſſag vns. vn̄ die diener ſchluͦgen in mit backenſlegen Vnnd da petrus was hernyden ymm hoff. eine von dē dienerin des oberſten prieſters kam. vn̄ da ſy het geſehen petrum. das er ſich wermet. ſie ſach in an vn̄ ſprach. Vnd du wa reſt bey iheſu von nazareth. vnnd er lauget. ſagend. Ich wayß nit noch erkenn was du ſageſt. Vnd er gieng auß fuͤr dē hof. vn̄ der han ſang. vn̄ anderwayd do in het geſehen ein an dere diern. ſie begund zeſagen dē vm bſtenden. wann diſer iſt auß in. vnnd aber lauget er. Vnd nach einer kleynen weyl dy do ſtunden redten anderwaid zuͦ petrus. Fürwar du biſt von in. wann du biſt auch ein galileyſcher. vnd er begund zefluchē vn̄ zeſwerē. Ich enweyß nit dē menſchē den ir ſagt. vnd aber zehand ſang d̓ han. vnd petrus gedach des worts das im iheſus hett geſagt. Ee denn der han zwir ſingt. du verlaugenſt mein zedryen malen. vnd er begūdt zewaynen. Das.V. Capitel. beſchreybt fuͦran den paſſion vnnd das leyden iheſu biß zu ende. ſo zehad do es morgeward dy oͤberſtē prieſter mit den altē. vn̄ mit den ſchreybern. vnd mit allē rat machten eynen radte. Sye bunden iheſum vnnd fuͦrtenn vnnd antwurten in pylato. vn̄ pylatus fragt in. Biſtu ein kuͤnig der iudē. Er ant