Transkription / 2 [635

Bancti. Luce Cōc XIIIIII. umb erſtummet. Wie maria von dē engel gegruͤſſet ward. vnnd auß ver manung des engels elizabeth heim ſucht. vn̄ gruͤſſet. vnd wie elizabeth gebar. vnnd zacharie ſein mund eroͤffend ward. B Was in den ta gē herodis des kuͦnigs iudee ein priſter mit namen zacharias. Von dez geſchlecht abia. vnnd ſeyn eeweyb von den toͤchtern aaron vnd ir nam was elizabeth. Wann beyd waren ſie gerecht vor got. ſie giengen in al len gerechtigkeyten. vnnd in den ge botten des herren on klag. vnnd ſye hetten keynen ſun. darumb das elizabeth was vnberhaftig. vnd beyd warn ſie uͤbergangen in iren tagen. Vnd es geſchah als brauchet zacharias die prieſterſchafft in der ordnūg ſeyns ampts vor gott er gieng auß nach dem loß das er legt das brynnend opffer. vnd gieng in den tēpel des herren. vn̄ alle menig des volks was außwendig bettend zuͦ der ſtūd des brinnenden opffers. Vnnd der engel des herren erſchyn im. ſteend zuͦ der gerechten des altars des weyrauchs. vnnd zacharias ſah in. vnd ward betrübet. vnd dye vorcht viel auff in. vnd der engel ſprach zuͦ im. Nit fuͤrcht dir zacharia. wann deyn gebet iſt erhoͤrt. vnnd elizabet deyn hawßfraw. wirdt geberen dir eynen ſun. vnnd du wirdeſt heyſſen ſeinen namen iohannes. vn̄ dir wirt freud vnnd frolockung. vnnd vil werden ſich frewen in ſeyner geburt. Wann er wirdt groß vor dem herren. vnnd weyn. vnd ſawrtranck wirdt er nit trincken. vnnd er wirt erfült mit dem heyligen geyſt. noch vonn dem leyb ſeyner muttet. vnd er wirdt bekeren vil der ſun iſrael zuͦ irem herren got vnd er wirt geen vor im in den geiſt vnd in d̓ krafft helie. das er beker die hertzen der veter in die ſuͤn. vnnd dy vnglaubigen zuͦ der weyßheyt der gerechten. zebereitten dem herren ein volkumens volck. vnnd zacharias ſprach zuͦ dem engel/ Wouon weyß ich das Wann ich bin alt. vnd mein hawßfraw iſt nun fuͤrgangen in irē tagen. Der engel antwurt vnnd ſprach zuͦ im. Ich bin gabriel. der ich ſtee vor gott. vnd ich bin geſant zuͦ dir. zereden. vnnd dir warlich zuͦuer/ kuͦnden di ſe ding. vnnd ſih. du wirſt ſchweygen. vnd magſt nit gereden. vntz an den tag das diſe ding werden geſchehen. Darumb das du nitt haſt gelaubt meynen worten. die do werden erfuͤlt in ſeiner zeyt. Vnnd das volck was harrend auff zachari am. vnnd wunderten ſich das er ſich ſaumpt im tempel. Vnnd er gieng auß vnnd mocht nit gereden zuͦ in. Vnd ſie erkanten das er hett geſehē ein geſiht imm tempel. vnd er was in winckend. vnd belieb eyn ſtumm Vnnd es ward gethan das die tag ſeynes ampts wurden erfült. vnnd gieng in ſein hawß. Aber nach diſen tagen elizabeth ſein haußfraw empfieng vnnd verbarg ſich funff moned ſagend. Alſo hat mir gethan d̓ herr in den tagen. inn den er ſchawet abzenemen mein ſchand/ vnder den menſchen. Vnd in dem ſehſten monet. der engel gabriel ward geſandt Or iii